طرقة تحضير قلاية بندوره ولا اشهى

السلام عليكم ورحمة الله بوركاتة

كيفكم يا شباب ويا صبايا

انا من الناس يا جماعه الي بحب قلاية البندورة

بس بحبها قلاية يعني اسمها قلاية يعني بندورة مقلية

في ناس يا جماعه بيحطو معها ثوم وبصل وفلفل بتصير هيك بندورة مطبوخة ممكنتحط قرن فلفل حار

بس اكتر من هيك ما بتصير قلاية بتصير طبيخ يا جماعه






هلا بدنا نعرف المكونات

المكونات بسيطة جدا ومش مكلفة

1_ بندورة عدد نص كيلو على قد المقلى (المقلى عندي صغير )

2_ زيت قلي اي نوع على كيفك ( يفضل من الرخيص يعني ابو الليرة وربع بيمشي حالو )
3- اذا بدك وعلى كيفك قرنين فليفلة بس مش اكثر من هيك بدناش نطبخ طبخ احنا

طريقت الصنع

بتط يا معلم هالزيتات على النار

وبعدين بعد ما يحمى الزيت بترمي قرن هالفليفلة اذا بدك

بس تشوف انو تغير لونو اوبلش يتغير لونو بتزيت هالبندورات بالقلاية طبعا انتا بتكون مقطع

البندورة دوائر يا معلم وبدون تقشير دير بالك تقشرها وتجرم نص حبة البندورة اصلا حلاوتها بالقشر
( مال القشر بطل ينفع )

بعدين لا تغطي القلاية خلي كل المية الي فيها تتبخر ويضل الزيت والبندورة

بعدين بس تشوف البندورة صار طريه كثير وستوت بترشلك شوية ملح على كيفك

بتحرك القلاية يا معلم وبتجيب رغيف خبز حبذا لو كان مشروح وبتحط القلاية بالصدر

وبتقعد على جنب والافضل تسكر الغرفة على حالك وممنوع ولا واحد من اخوتك يوكل معك

وبتوكل اول لقمة يامعلم وقبل ما توكل حذاري حذاري ما تحسب حسابك وتجيب شاف المية معك

لانك رح تغص يا اما لانو اخوتك نفسهم يوكلو معك يا اما لانك مستعجل

وصحتين والف عافية
[b]