مشكلة البطالة في الوطن العربي

مشكلة البطالة في الوطن العربي

حلقة من برنامج صناع الحياة

المرحلة الثالثة من صناع الحياة
الحلقة الثانية

- مشكلة في كل بيت ، مشكلة لأهلينا وأقريبنا وشبابنا ، لما ابنهم أو بنتهم
دخل المدرسة والجامعة ، أبوه صرف كل ما يملك علشان يعلمه ، وكان حلم الأب
والأم العيله كلها أن ابنهم ده يتعمل ويتخرج ويشتغل ويكون حاجة عظيمة لنفسه
ولعلته ولبلده وكبر الشباب وكبر معاهم حلمهم ، كان الحلم بيقول بعد 16 سنة
تعليم حاشتغل في عمل متميز وبيت وفلوس واستقرار وجواز فلما اتخرجوا صحيوا
من الحلم على صدمة شديدة .......... مفيش شغل .... بطالة

-البطالة هي أخطر مشكلة تواجه بلادنا الآن لأن اللحظة اللي أن بتكلم فيها الآن ..في في بلادنا (16 مليون) عاطل.

- إحنا عايزين نعمل نهضة وسبحان الله ، مشكلة البطالة هي ذاتها مفتاح النهضة ، تصوروا..؟؟؟ ازاي؟؟

- كل الناس بتشوف البطالة على أنها أكبر مشكلة يعاني منها المجتمع ....
شباب قوي(ولاد وبنات) ، متعلم، مثقف متاح للعمل لكن ليس لديه فرصة عمل ،
ليس لديه له دخل ....معرض لكل المصائب في أسوء من كده ...مفيش.... ديه نظرة
كل الناس ،.

- لكن بالنسبة لنا صناع الحياة لنا نظرة أخرى الشباب اللي عنده بطالة ،ده
هو الكنز الذي لم يمس من قبل ، أو بير البترول الخام اللي تحت الأرض اللي
ماحدش خد منه ولا نقطة ..... ، واللي سيحقق لنا المعجزة ويقوم معانا ويبني
النهضة ، لأنه لو كان شغال في وظيفة وقلنا له تعال نبني النهضة ...ممكن
يقول لنا تدوني كام؟؟؟ لكن هذا الشاب الجاهز مستعد النهاردة بعد ما نرسم
طريق النهضة فنخده وندربه وسيستجيب لنا وسيشارك معانا بعمره كله.يمكن ممكن
هذه المصيبة اللي أسماها البطالة تكون أعظم فائدة للنهضة يا جماعة كل حاجة
ليها وجهين سلبي وايجابي

-اليأئس يرى صعوبة في كل فرصة لكن صناع الحية يرون الفرصة في كل صعوبة هذا الشباب العاطل هو مفتاح النهضة
- تعالوا نشوف إزاي الوضع النهاردة ؟؟ وبعدين في الحلقة القادمة سنشارك مع بعض مع تحويل التراب إلي ذهب .

- لازم اللي عايز يحل أي مشكلة لازم يحددها يشخصها الأول علشان يحلها ، زي
الدكتور اللي بيوصف المرض علشان يحدد العلاج ولذلك احنا في حلقة النهاردة
بنحدد المشكلة بدقة علشان نحلها الحلقة اللي جاية .

يعني إيه بطالة ؟؟ تعريف البطالة

هو شخص لديه قدرة على العمل والرغبة في العمل ويبحث عن عمل ولكنه لم يجده بعد .
قادر يرغب يبحث لا يجد

طب حجم مشكلة البطالة أد إيه؟؟
- أعلى معدل بطالة في العالم موجود في الوطن العربي ...
- سنة 2003(حسب تقرير منظمة العمل الدولية ) متوسط نسبة البطالة في العالم
6،2 % ، في الوطن العربي الضعف 12،2 %، يعني في العالم كله كل الف شخص
قادرين علي العمل منهم 62 عاطل ، بينما في العالم العربي كل 1000 شخص منهم
122 عاطلين .

- ولو نظرنا على بطالة الشباب وحدهم (وفقا لتقرير الأمم المتحدة 2003 )
سنجد أن بطالة الشباب في العالم 12 % بينما بين الشباب في الوطن العربي
26،5 % يعني كل ألف شاب في بلادنا منهم 265 عاطل

- الكلام ده سنة 2003 ، طب الان سنة 2005 ما الوضع ؟ في مؤتمر دافوس
الاقتصادي العالمي يناير 2005 ، أعلن رئيس المنتدى الاقتصادي العربي أن
نسبة البطالة في الوطن العربي 15 % وأن النسبة بين الشباب 30 % يعني كل ألف
شاب الآن منهم 300 عاطل، وأن من الآن لسنة 2013 لو استمرت الأمور كما هي
الآن سيكون عندنا 80 مليون عاطل ، يعني محتاجين 80 مليون وظيفة

- يعني الآلاف بل ملايين من شبابنا حيتولد ويتعلم ويتخرج ويموت دون أن يجد عملاً ... تخيل
- ده غير البطالة المقنعة بالملايين وغير الملايين اللي بيشتغلوا في حاجات ما بيحوش

يعني لو ماعملناش حاجة احنا داخلين علي كارثة مش نهضة

حأرجعكم تاني لمثل البترول، هما هما هؤلاء الشباب العاطل اللي ننظر لهم
نظرة حزن واشفاق هما هما دول اللي هيعملوا النهضة ...لسبب بسيط .
حد يعرف نهضة في الدنيا حصلت بدون شباب ؟؟؟

في عالم السياسة
- ثورة الجزائر والمليون شهيد كانوا شباب
- وفي مصر ثورة 23 يوليو كانوا شباب
- اللي أحيوا القضية الفلسطينية كانوا شباب
في عالم الاقتصاد
- شركات الملتي ناشيونال العالمية اللي أسسوها كانوا شباب(stepeves gobes )
لما اخترع أبل ماكنتوش ، اخترعه في جراح بيتهم وكان شاب عاطل، بيل جيتس
لما بدأ ميكروسوفت كان في العشرينات من عمر ماحدش رضي يساعده
- نهضة فرنسا قامت على أيدي شباب
في تاريخ الأنبياء
- إبراهيم عليه السلام وإتباعه هو وهما كانوا شباب
- عيسى وحواريه هو وهما كانوا شباب
- موسى وإتباعه هو وهما كانوا شباب
- محمد وأصحابه اللي عملوا النهضة كلهم كانوا شباب وكلهم ضحوا بنفسهم علشان النهضة تحصل.
شوف فقط يوم الهجرة اللي هي بداية النهضة للمسلمين ..أنظر لدور الشباب؟؟
 مصعب أول سفير في الإسلام كان شاب ودخل الإسلام المدينة وضحى ومات شهيد
 الأنصار اللي فتحوا بيوتهم لمصعب وللمهاجرين كانوا شباب وضحوا بوقتهم وبمالهم
 أسماء اللي أئتمنها النبي وحدها على مكان هجرته كانت شابة وضحت وإتئذت وإضربت علشان تقول مكان النبي وماقالتش
 عليّ الشاب اللي في عمر ال20 نام مكان النبي وكان مستعد يضحى بعمره وشبابه .
 عبد الله بن أريقط دليل النبي في الهجرة لم يكن مسلم لكنه شاب خبير في
الصحاري وشارك في النهضة، وطلع راجل وعلشان كده بنقول نهضة بلادنا حيقوم
بها كل الشباب مسلمين ومساحيين.

وعلشان كده كان تركيز النبي عليهم...........بعثني الله فصدقني الشباب وكذبني الشيوخ.

- يوم عمرة القضية دخل مكة وكل اللي معاه شباب ، قريش خافت أن شباب يتأثروا
بيهم فقالت دول شباب محمد تعابنين وعيانيين وعندهم مرض جلدي فقال النبي
للشباب إكشفوا الذرع الإيسر والجري أول 3 أشواط ..تخيل المنظر الرائع للنبي
والشباب، فأسلم شباب قريش وكان منهم خالد ابن الوليد

تعالوا نشوف حال الشباب ايه الآن

عرض فيلم أحوال الشباب وأثر البطالة في الشباب

والنتيجة بعد اللي شوفناه حتكون إيه ؟؟
مجموعة مصائب رهيبة متركبة على بعضها تبدأ بألم وغربة واكتئاب
 توصل لأمراض نفسية أو لإدمان مخدرات للهروب من الواقع الأليم ،توصل
لانتشار الجرائم والعنف، توصل لضعف الانتماء للبلد وكراهية المجتمع وأكيد
توصل لعنف وارهاب لأنه منهار كاره للمجتمع،
 وكمان تأخر سن الزواج ..توصل لانتشار الزواج العرفي أو الزنا ...توصل لانحلال أخلاقي وفقد القيم في المجتمع.

- وكمان حالة الأب والأم وهما شايفين أبنهم بعد مشوار التربية والتعليم الطويل جنبهم في البيت تخيل الألم!!!

- وكمان إهدار الأموال الطائلة (المليارات) التي استثمرها المجتمع في تعليم
هؤلاء الشباب ورعايتهم صحياً واجتماعيا وتكون النتيجة في الآخر قاعدة
قهاوي أو فرجة على التلفزيون ، لاحظ كل ما البطالة بتزيد كل ما القهاوي
بتزيد، القهوة أصبحت مشروع لا يخسر أبدا.

- وكمان ضياع الدين ألف درس وألف واعظ مؤثر لن يوقف السرطان وبالتالي الناس
اللي بتقول مال البطالة ومال الدين ... البطالة حتفضل تأكل في ديننا ، لو
استمر الحال كده ..
- مزيد من الانهيار نتيجة البطالة مش هنعرف نوقفه بالوعظ ...احنا بنحل
مشكلة البطالة علشان نحافظ على تدينا ، عارفين لما النبي سمّى بعض الذنوب
الحالقة وقال لا أقول تحلق الشعر ولكن تحلق الدين .اهي البطالة كده .

- ده دين يا شباب يللي بتحبوا الدعوة إلي الله ..حل مشكلة البطالة دعوة إلي
الله، ولو لم تتحركوا مع بعض لا نهضة حتحصل ولا دعوة إلي الله حتستمر بقوة
، وأخشى أن نسب التدين تقل نتيجة الضغط النفسي الرهيب على ملايين الشباب
العاطل ..

- البطالة أول نتيجة ليها الفقر ..والنبي يقول في دعاؤه "اللهم أني أعوذ بك من الكفر والفقر"
تخيلوا ....قرن الكفر بالفقر لأن الفقر بيجيب كفر وعدم رضا عن الله وشك في رحمة الله ....
البطالة والفقر .... خطر على العقيدة ....خطر على الأخلاق

- عبد الله بن الزبير يقول "أشر شيء في العالم البطالة لأنها مأوى الشيطان"

- قصة 42 شاب .. بطالة .. مركب مطاطي ليهرب من الرادار ..إلي أين .واحد
يهرب إلي إيطاليا ليعملوا..دفعوا فلوس كثيره ..خرج بيهم 4 أيام ونزلهم في
البحر أمام اليونان ..يلا عوموا أنتم أمام شط اليونان ، فعاموا وصلوا الشط
وجدوا نفسهم في العجمي .

أنتم ضحكتم ؟؟؟
لكن هؤلاء صناع حياة إيجابيين .. تخيل شعورهم في العجمي والإحباط وضياع الفلوس ..الجريمة .. ومن أحياها فكأنما أحيا الناس جميعا .

احنا نريد إحياء هذه النفوس ....

- واحد عاطل بعت للصحافة رسالة بإمضاء مواطن ميت ...وإحنا في صناع الحياة
..سنحقق؟؟ قول الله ومن أحياها "أي النفس البشرية " ثوابه عند الله
..فكأنما أحيى الناس جميعا ..تخيل رضا ربنا عنا ..يا مسئولين ومن أحياها؟؟؟
يا رجل أعمال ومن أحياها ، يا جماعة ياللي بتحجوا كل سنة وبدل العمرة
أربعة ومن أحياها ، يا أخونا يلي بتتبرع بعربية لنقل الموتى اتبرع بورشة أو
مشروع صغير لأحياء الأحياء ، عمر بن الخطاب يقول ..اطعام كبد جائع أغلى
عند العالم من عمارة المسجد الحرام

- علاج البطالة ثواب مثل بناء المساجد وتعليم القرآن ويمكن أعظم.

طب ليه البطالة عندنا كبيرة كده؟؟

1- أوضح سبب وأسهل سبب ليس لدينا مشروعات قومية كبيرة........... ليس لدينا هدف نحققه.........ليس لدينا حلم نهضة.
لو عايزين نعمل نهضة :
 بناء مدارس
 مدن جديدة
 صناعات جديدة
 بحث علمي يشتغل
 وشباب يشتغل

كل ده يوجد عمل كثير
حل مشكلة البطالة ..إيجاد شغل جديد

- دبي والدوحة بلا بطالة لأن عندهم مشروع نهضة وعايزين ناس كمان من برة لأن اللي جوه مش مكفي.

- ضرورة وجود مشروع قومي لنهضة بلادنا يستوعب طاقات الشباب ويشغل الحرف
والمهن والمهنيين وبالتالي فالوضع الحالي انخفاض معدلات النمو للناتج
الوطني.

2- التعليم ليس له علاقة بسوق العمل ، تعليم تلقيني قائم على تذاكر وليس
أفهم وحلل وبالتالي يخرج إنسان مبادر ولا مبدع ولا مبتكر ولا بيفكر ولا
يعطى مهارة القدرة على الكسب ... التعليم ليس له علاقة بسوق العمل ولا
بيجهز إنسان يعرف كيف يكسب.
طفل غربي عنده 10 سنين خبط على باب صاحبي في ألمانيا ومعه وردة بيبيعها لان
المدرسة أمرته بأن يكسب أي شيء من عمل يقوم به في يوم الإجازة لأن ده
هيزود درجاته فقال صاحبي: لا أريد ورد ..
فقال الطفل: طب أن ممكن أجري لآخر الشارع وأرجع في زمن قياسي وتعطيني المال.
فقال صاحبي : لن أستفيد شيئا من ذلك.
فقال الطفل : ممكن أغسل لك سيارتك .
فصعب على صاحبي فأراد إعطاؤه المال بالمجان ... فرفض...

عموما إحنا محضرين للتعليم ...مشروع هام إن شاء الله.

3- تصدير الوظائف بدلاً من تصدير العمالة : إننا لما نشتري حاجة مصنوعة في
بلاد غير بلادنا ، ناس تانية اللي أنتجت الحاجة دي، وأولادهم هما اللي
اشتغلوا، وهمه اللي بيتطوروا، وإحنا أولادنا قاعدين،فكده كأننا صدرنا وظائف
ولادنا، والدخل اللي ممكن يحققوه ويعيشوا منه لأولاد ناس تانية.

- الشيء المنطقي هو أن البطالة المفروض تكون موجودة في الدول المتقدمة ولا
تكون موجودة في الدول النامية، لأن المتقدم بنى بلده والشوارع إتعملت
والبيوت اتبنت والمصانع اشتغلت فالمفروض بعد كل ده مش لاقي شغل ، أما الأمة
التي تفترض أنها تريد نهضة ، أنها لا تنام الليل وليس عندها لحظة فاضية.

- طب ليه العكس ... علشان أن الدول المتقدمة اللي خلص بلده حب العمل وهو
بيبني بلده وعرف ما هي ثمار العمل.. السعادة والنجاح والقوة، وهو الآن يعمل
الأشغال التي نعملها لبلادنا

- يقال أن أحد أسباب حرب العراق..عقد وإعادة اعمار العراق.

- شباب الصين بيعمل سجاجيد صلاة وشعبنا المسلم بيصلى عليها ، هل هذا هو الدين ..هل هذا هو فهمنا للدين ، الفرق في قيمة النظر للعمل
• الصيني يشتغل وبيصنع والعربي يصلي ويعبد
• ((إياك نعبد وإياك نستعين ))

- شباب أمريكا عايز يشتغل ، فشباب أمريكا سيبني العراق وشباب العراق في بطالة .
في بطالة لأننا لا نريد أن نعمل نهضة أصلاً ..... أمة بلا هدف....

- البلد محتاجة تشتغل والناس موجودين فيها مش لاقيين شغل واحتياجات البلد ناس آخرين يشتغلوها ويبعتوهلنا وأصحاب البلد فاضيين
سبب الحرب........
نظرة العالم الآن ..أنت أيها العربي عايش على قفانا علشان عندك حاجات في باطن الأرض هبة من القدر وليست من عملك.

4- تبعثر موارد الأمة والإصرار أن كل بلد يحل مشاكله منفردا، وهذه أم الكبائر (التجارة البينية بين البلاد العربية لا تتعدى 8 %) .

- أما فكرة أن الزيادة السكانية هي السبب مش صحيحة لأن الزيادة السكانية
ممكن تكون عبء وممكن تكون ميزة حسب توظيفها ، الصين مليار مواطن وأقل دولة
في البطالة علشان عملوا نهضة شغلت الناس. زعيم الصين كان له كلمة رائعة لما
قيل له كيف ستطعم مليار فم؟؟ فقال لهم ولماذا لا تقول لي كيف سنستفيد من 2
مليار يد .

- وبعدين فكرة أن الحل في إيقاف الزيادة السكانية (حنفترض حتى أنه حل معقول
بس ده حل بعد 30 سنة حنعمل ايه في اللي عندنا الآن ...80 مليون عاطل لسنة
2013) معناه أن بعد 30 سنة من الآن وأن مفيش حل لمدة 30 سنة لأنهم اتولدوا
خلاص ، ومعنى الكلام أن لا حل حتى 2030 ومن هنا لحد 2030 لا حل !

الحل ايه؟؟؟
أولا ليس الحل تقليل حجم المشكلة وتخفيف الأرقام الصحيحة وعدم مصارحة الناس بالمشكلة كالنعامة تدفن رأسها في التراب
وكمان مش صح زي كلام الجرائد اللي بتقول أن كل وظيفة جديدة بتحتاج لاستثمار 10 الآلاف دولار
أنا حأوريكم لقطة عملها واحد اسمه
دكتور حسن رجب كان سفير مصري أوجد من 12-15 ألف وظيفة كل وظيفة ب 30 جنيه
بس وأدوات الوظيفة كانت فرشة وعلبه ألون وجاب شباب كلية فنون جميلة يرسموا
ويكتبوا على ورق البردي ويبيع للسياح .

يا جماعة البطالة مشكلة إنسانية عالمية يعاني منها العالم كله تعالوا نشوف
نماذج اتعملت مع المشكلة في بلاد والعالم تعالوا نشوف عملوا إيه ، تعالوا
نشوف نماذج تعاملت مع المشكلة في بلادنا

طيب حنحل الموضوع ازي لازم ندرس أولا التجارب الأخرى اللي نجحت في حل
المشكلة ، قبل ما نقول كيف سنحل المشكلة ... تعالوا الأول نشوف ..كيف حل
الآخرين المشكلة ؟؟ ما خلق الله داء إلا وخلق له دواء

اليابان والصين وايطاليا .. قالوا الحل في المشروعات الصغيرة مشروع فردي
يعمل فيه ا،2،3 شركاء بالكثير من 5-50 بالكثير ، بينتجوا منتج معين غير
معقد تكنولوجيا برأس مال قليل ومش محتاجين إدارة كبيرة ولا حسابات رهيبة
مثل الملابس والأثاث منتجات جلدية ، سجاد ، نجف ، قطع الغيار ، كاميرات
بسيطة ، نظارات ، أدوات تجميل ، لعب أطفال، كل ديه مشروعات صغيرة ،وقالوا
نكتر هذه المشروعات الصغيرة ، ول؟؟ الشباب عليها ال؟؟؟ الصناعات المنقولة
كالسيارات ... نبني بها النهضة ونقلل بيها البطالة ، ونعمل مراكز لتدريب
الشباب ..ازاي يعملوا مشروع صغير وننشأ مكتب استشاري لهم لمعاونتهم، ونقدم
لهم كل البيانات عن التسويق لمنتجاتهم والإدارة وبدوا فعلا

المفأجاة ... أصبحت الصناعات الصغيرة اليابانية تستوعب حوالي 84 % من
العمالة اليابانية الصناعية وتساهم بحوالي 52% من إجمالي قيمة الإنتاج
الصناعي الياباني وفي إيطاليا 2 مليون و300 ألف مشروع فردي صغير

وقلت البطالة وحصلت نهضة في البلاد ديه وكان المفتاح الشباب اللي كان عنده
بطالة عمل مشروعات صغيرة هي اللي عملت النهضة مش بقولكم أن مشكلات البطالة
لها وجهين سلبي وإيجابي وصدروا لبلادنا أربع حاجات أساسية الملابس ولعب
الأطفال وكل احتياجات المنزل وأدوات العبادة على المشروعات الصغيرة.

أمريكا... أيضا كان الحل للبطالة في المشروعات الصغيرة.
وفرت الصناعات الصغيرة والمتوسطة بالولايات المتحدة الأمريكية خلال الفترة
من 1992 وحتى عام 1998أكثر من 15 مليون فرصة عمل، مما خفف من حدة البطالة
وآثارها السيئة، وأن المشاريع الصغيرة تستوعب 70% من قوة العمل الأمريكية.
وفي دراسة عن دول الاتحاد الأوربي في عام 1998، تبين أن الصناعات الصغيرة
والمتوسطة توفر حوالي 70 % من فرص العمل بدول الاتحاد.

ده اللي حصل في الغرب طب إيه اللي حصل في بلادنا، طب ازاي بلادنا مؤسسات
حكومية وغير حكومية حاولت حل المشكلة ...زي الصندوق الاجتماعي للتنمية في
مصر وزي شركة عبد اللطيف الجميل في السعودية وزي صندوق تامين البطالة في
الجزائر أغلبهم حاول يركز على نفس الفكرة المشروعات الصغيرة وبذلوا مجهود
كبير في تمويل وتدريب الشباب لكن للأسف هذه الجهود لن تحقق النجاح المفروض،
وصل المتوسط مساهمة الصناعات الصغيرة في الناتج
الصناعي الكلي في العالم العربي إلي 27 % فقط ، وديه نسبة ضعيفة جدا

يبقى النسب بتقول أن المشكلة فعلا مشكلة عالمية في العالم كله لكن الغرب
نجح في استخدام المشروعات الصغيرة في تخفض البطالة واحنا ما نجحناش
يا جماعة هذه أمثلة للجهود التي بذلت في بلادنا لحل مشكلة البطالة، لكن
للآسف لم تحل المشكلة بل و للآسف أيضا ..أن المأساة تزيد ولا تقل وأن نسبة
البطالة زادت من 12،2 سنة 2003 إلي 15 % سنة 2004، يعني 3 % زيادة في سنة
واحدة.

فما الحل إذن؟؟؟ لا بد من طرف جديد ممتلئ بالحيوية والإرادة والفهم يدخل
يساعد هذه الجهود الحكومية في حل المشكلة..لابد م المساهمات الشعبية غير
الحكومية لازم الشباب يدخل في يحل المشكلة ما يتنظرش حد يحلها له ، تمام
مثل مشروع حماة المستقبل ، فاكرين لما قولنا أن الأمم لمتحدة بتقول أن
الحكومات لا يمكن وحدها تحل مشكلة المخدرات وأن نسبة نجاحها لا تزيد عن 30 %
والحل أن الشعوب والشباب يشتغلوا في الحل هما كمان ، فعملنا مشروع حماة
المستقبل لتوعية الشباب وأسرعت الأمم المتحدة وشرطة دبي وعملت معانا شراكة
عارفين ليه؟؟؟
- لأن هما عارفين أن الحل عندكم أنتوا يا شباب، خبرتهم بتقول كده ..أن
الشباب هو الحل.واحنا حنكرر نفس الموضع بالضبط في البطالة .. في احتياج
ليكم يا صناع الحياة يا شباب يا ستات.

- لازم الجهود الشعبية وده اللي عملوا أصحاب النبي صلى الله عليه وسلم لما
لاقوا المهاجرين عملين يهاجروا للمدينة ومعندهمش شغل وبقى في ناس اسمهم أهل
الصفة فقراء جدا جدا بدون عمل ولا بيت ، مالوش ديه مسئؤلية النبي واحنا
مالنش دعوة لكن هب 70 واحد من شباب الأنصار عملوا زي جمعية خيرية بينهم
وسموا نفسهم القراء عارفين مين القراء دول .

- بئر معونة 70 شاب من شباب الأنصار قتلوا سموا شباب القراء .لم يسميهم
النبي، سماهم أهل المدينة، كونوا جمعية ..يعملوا بالنهار ويشغلوا أهل الصفة
، العمل غير مأجور... ، سمعوا الآية ((ومن أحياها فكأنما أحيا الناس
جميعا)).

- وبدأ القراء (70 أنصاري) أهل الصفة ..لم يوجد لهم عمل ولم يستطيع أحد أن
يوجد لهم عمل وليس كسل منهم، ليسوا ناس دائمين ، يدخل ناس ويخرج ناس ،
عندهم بطالة .. اليكاتين .. لكن مع ذلك موقفهم + أهل الحديث ..أبو هريرة

- ولم تكن بطالتهم بطالة كسل (إيجابية – حركة- إصرار وليس خمول وركون- سلبية)

- وبدأ شباب القراء يعملون بالنهار في المزارع وحفر الآبار لتعمير التربة
أو صناعة السيوف والحطب ..وكل واحد منهم يشغل معاه واحد من أهل الصفة قدر
طاقته ،يأكلوا ويطعموا أهل الصفة وبالليل في الحفظ للقرآن والتسميع وتعليم
القرآن فعملوا جمعية هدفها ((حل مشكلة البطالة + التعليم)) أسمها القراء
..كانوا يعملون ويدربونهم ليقوموا بهذا الدور ، التدريب هو عمل القراء،
وعملوا ما يشبه فكرة المشروعات الصغيرة مع أهل الصفة.

- استحقوا الشهادة لذلك ، كبيرهم هو .. فزت ورب الكعبة ...حرام بن ملحان

- انطلق 70 شاب تعلم أهل الصفة بالنهار..واشمعنا اختارهم النبي
...اختيروا فنجحوا دنيا ودين، فأختارهم النبي لملك اليمن ، لماذا اليمن؟؟
لأن اليمن بلد صناعة ودول ناجحين دين ودنيا وأختارهم الله للشهادة

- أسلوب التعامل مع أصحاب البطالة ..دورنا نحوهم مثل دور القراء يا شباب.
هذا دور جمهورنا.

- انتهى بطالة أهل الصفة سنة 7 هجرية وبذلك قضى على البطالة في المدينة وعندها اختار الله القراء للشهادة..للجنة.

- يــاه !! هي المشروعات الصغيرة هامة للدرجة ديه؟؟؟

ايه ده ..ده كل التجارب العالمية الناجحة لحل البطالة حتى النموذج النبوي كانت عن طريق المشروعات الصغيرة..هذه هي خلاصة حلقة اليوم

بـــآركـ الله فيك على الطرح المميز~

كل الشكر ~

يعطيك الف عافية يارب

» الوطن العربي قليل عليك ياسيادة الرئيس
» 26,2 بالمئة نسبة البطالة بالعالم العربي
» أجمل 10 أماكن في الوطن العربي
» معلومات وحكايات عن أقدم المساجد التي بنيت في 18 دولة في الوطن العربي وفي العالم
» الأمن المائي وأزمة المياه في الوطن العربي