مش معقولين الفلسطينيين‏

كيف تعرف الشخص الفلسطيني من
بين سكان العالم ؟؟؟

بيفهم في الطب وبيشخص المرض
وبيوصفلك الدوا وبيفهم في الكهربا
وتصليح السيارات والطبخ والسياسة
والقانون والواجب و الدين و
الحسابات والكورة وهو أبيض ياورد .

بيحط الريموت كونترول في كيس
نايلون حتى ما يتغبر ولا يضيع

بس يقعد يتفرج على التلفزيون
بيضل ينقل من محطة لمحطة كل دقيقة

بيوقف يتكلم على الباب نص ساعة
بعد إنتهاء الزيارة والسلام

في خزانة المطبخ عنده عشرين
مرطبان مربى فاضي منشان اذا احتاج
يستخدمها ومازال مُصِر على جمع
المزيد.

ييجي بعد الموعد بساعة وربع
دون ان يعتذر.

يتكلم بصوت عالي في المكالمة
الدولية منشان التاني يسمعه

بيعتبر حاله أفضل واحد في
الشراء والمفاصلة ثم يكتشف إن
الشي في المحل اللي جنبه أرخص من
غير مفاصلة.

يحتفظ بأكياس محلات اللبس
والأحذية وورق الهدايا تحت فرشة
التخت لسنوات(يا عمي مين بلش بها
العادة؟( )

عنده صينية مكسرات مقسمة
لتلات او أربع أقسام منشان المزاج
لكن لايستخدمها ابدا.

يشتري قبل الإفطار في رمضان
مواد استهلاكية متوفرة عنده في
البيت

عنده منقل شوي للرحلات
يستخدمه مرة واحدة كل عيد

بيتخانق ساعة دفع الحساب
بحرارة شديدة على إنه هو اللي لازم
يدفع.

بيفرش شرشف التخت على طقم
الكنبايات منشان الكنباية ما
تتوسخ، ولما يجوا الضيوف يترك
الشرشف وما بشيله.

بيطفي سيجارتو بفنجان القهوة
مع انو في منفضة على الطاولة

دائما يعيش ضمن الحلم ولا يقبل
بان يخرج مما يحلم.

اكثر واحد عنده كرامه في
العالم.

والله كلنا فخـــــر باننا فلسطينين
يسلمووووا ياهبهوب
لاحرمنا منكـ راائعه على الدوام

هههههههههه
معلوومات صحيحة والله

هاد فخر كبيير لنا والله

يسلمووو كتيير هبهوب

موضوع مميز عن غيره من المواضيع

تقبلي مروري

ادعس على اكبر راس..انت فلسطيني بترفع الراس

هلا والله بكل الفلسطينية والشغلة مش عنصرية

القصة قصة قضية...يعني احنا الفلسطينية بنستاهل اكبر تحية

مش لانا حمساوية او فتحاوية او جبهاوية..

بس لاننا اشرف ناس بالكرة الارضية...(تعصب)

هههههههههه

بجد روعة هبهوب.....ميرسي يا قمر!!

أشكركم جميعا ع مروركم الطيب
وتعيش فلسطين وأهلها