لماذا يتباهى الشباب بكثره علاقتهم مع البنات

آآه يا الموضوع قاهرررررني

الحب من عيب ولا بحرام

بس الحب في هالزمن نادر مايتحصل صار حب شهوة حب نزوة حب تكلم حبيبتك وتكلم عشرة عليها بدافع الفرند !!
كرهو شي اسمه حب .. الوحده صارت تخاف حته تجربه من هالمشاكل الي تسمعها

بس الي خلاني اكتب هالموضوع امس في الجامعة كنت قاعده حزة البريك وكانو في شباب وراي قاعدين يسالفوون

فلان 1 : من متصل لك
فلان 2 : حبيبتي
فلان 1 : بـي من صجك للحين تام عليها شلون تقدر تعيش على وحده
فلان 2 : ماعطه اقنوررر ( ساكت )
فلان 1 : جوف انه امس مرقم وحده و اولريدي عندي 3 بنات جي طقطقه حق الملل والطلعات
فلان 2 : شمستفيد من ذي كله ! غير تكسر قلوبهم والخساير
فلان
1 : بس جي ملل خبرك سحبت على بنت الـ .... وقلت انوع تخيل ذيج اذا باطلع
وياها كنت احجز شقة او ادخلها بيتنه واسوي وياها( كيت وكيت وكيت ) > عباله رجولة .. اصلا تدري ان محد لبسها محد شرالها غيري محد يدفع لها غيري ولا اهي تحلم بواحد مثلي مالت عليها !

(( بالعكس ترة حلو الحبيب يهدي حبيبته او حته يشتريلها ))

وبعدها انه مشيت

قمت
وانه الف علامة استفاهم على ويهي حته ماحطيت بالي على المحاضرة (( اقول
للحين في جي اوادم تشهر في سمعة البنات )) انه اخبر خلاص انقرضو كبر عقلهم
!! (( بس اضنتي الميهلة زااادت :) )) ..
اعنبوك استح على ويهك خاف من ربك البنت وثقت فيك وعدتك شي حلو في حياتها قالت لك اسرارها امنتك على روحها
اخر شي تروح تشوه سمعتها وتتحجة في عرضها ..

اوكي حته لو تبي تبتعد البنت خلها تروح في حال سبيلها مب عدله تروح تشهر فيها استر عليها !! وكلشي يدور بين الاثنين يتم بينهم ماله داعي التفاخر ( عبالك مسوي انجاز ) ترة الواحد يضحك على صغر عقلك

لا في موضة يديده بعد وتحز بالخاطر وتعل اليووف ( الشباب اللي يوهمون البنات على ان بيتزوجها وذيج تصدق بعد )) !!!!

في علامات توضح ان الشاب شاري البنت منها مثلا : يكلم امه ويخليها تكلم البنت او تكلم ام البنت
ويبين هم من تصرفاته كلامه اسلوبه فعايلة ! لي متى البنت تمشي ورا قلبهاا تكفيـــــن فكري بعقل شوي

لاعاد اهني مربط الفرس اذا طلب الشاب من بنت اي طلب ورفضته بحجة الخوف او ماتبي .. يتخلى عنها ويسحب عليها ويقعد يفضحها ويستغل ضعفها وخوفها للفضيحه..

وما يقهرني وانه استحقر هالفئة على فكرة البنات الي تسلم نفسها حق صبي حبته ! حبيبتي وين عقلج ؟! واذا صارت الوقعه وسالتيها ليش تقول ماكنت ابي اخسره ! اصلا لو اهو شاريج مابيرضاها عليج ولا بتهونين عليه :)

حته البنات من فعايلهم السودة ارخصو من قدر البنت ..ترة البنت شي رقيق بسرعة تميل حق الكلام الحلو يتعلق قلبها بسرعة بعكس الشاب هاي مو غباء ولا سذاجة ولكن هاي طبيعة البنت
(( رفقا بهم ))


اسئله تحتاج الى اجابات

ليش كل هاي التباااهي والافتخااار ؟؟؟
ليش كل هاي النذاله والاهانه في حق البنت ؟؟
ليش مايجوف الشاب البنت الي يكلمها على انها اخته او احد اقاربه ؟

او انه تحدي بينه وبين الشباب .. من يقدر يصيد اكبر قدر ممكن من البنات ؟ ويلعب في حسبتهم
او انه يرضى غروره بهذه الطريقه ؟؟ (( انسان مريض ببساطه ))


يخاف الشاب على اخته من بقيه الشباب .. ولا يخاف من عقاب الله

ان الله شديد العقاب


ليش يتباهى الشاب بتعداد علاقاتة بين البنات ؟؟
هل التلاعب في المشاعر صار شي عادي ولابد منه ؟؟

للعــلم :

انه مو قاعده اذم في كل الشباب بالعكس في فئة قسم بالله ان يعد سمعة حبيبته من سمعة اهله ويخاف عليها وقد مايقدر يحاول يبين لها ان قصده شريف

بس قاعده اتكلم عن الغالبية العظمى

تنبيـــه :
لحد يقعد يقولي الغلط من البنت انها كلمت ! الحين الوضع اختلف اغلب البنات يكلمون ويحبون وامورهم ماشية وفي منها كانت نهايته زواج

انه موضوعي عن تباهي الشباب بعلاقاته .. لي هالدرجة الشاب انعدمت غيرته على بنات ديرته ؟! او صارو سلعه رخيصة ينصادون بسهولة ؟!!


هذا واقــع للأســـــف
الاختلاف فى الراى لايفسد للود قضيه .. باب النقااااش مفتوح