تخيل معى لو عاد صلاح الدين !

معجزة عودة صلاح الدين

في القرآن ربّك قال للناس: "ادعوني"
علشان هوا كريم وبيِدّي
وف رمضان الناس بتصلّي
تملا الجامع في التراويح
وإْمامهم يدعي ويعيّط
واللي وراه بيقولوا: "آمين"
عارفين كانوا بيدعوا بإيه؟
كانوا كل صلاه بيقولوا:
يا الله
رجّع لينا صلاح الدين...
يا الله
دا احنا بشوق مستنيّين
يا الله
لو جالنا هنقوم واقفين
يا الله
نمشى وراه ونكون طايعين
يا الله
و نحرّر أرض فلسطين
يا الله
بس ييجيلْنا صلاح الدين
يا الله....
*******
فكر معايا وشوف لو
لقينا فارس من نور
وحصانه بيجري ويْدُور
وف إيده السيف المتعافي
استعجِبنا...!!!
وسألناه: "انت اسمك إيه؟!"
قال بالفُصحى:
أنا يا قومِ صلاحُ الدينْ
اردتونى

وقد جئتُ إليكم
لكنْ نُبّئتُ بأخبارٍ عنكم سيّئةٍ للغاية
كيف رضيتم أن يُنتهَك الأقصى فيكم؟!
كيف سمحتم للأعداءِ بهذا الأمر؟!
كيف تركتم بيتَ المقدس؟!
كيف قَبِلْتُم عَيْشَ الذلّةِ بينَ الناسْ؟!
إنى مِتُّ وأرضُ القدسِ مُطهّرةٌ من كل خبيث
وتركتُ الأقصى من زمنٍ.. منصوراً.. مرفوعَ الراسْ
فتنازلتم أنتم عنه... للأنجاسْ!!
لكن... لا بأسَ... فقد عُدْتُ
وسنُرجِعُ جيشَ الإسلام
جيشٌ سوف يقودُ العالَم
أنتم.. جُنده..
هيا قوموا...
سوف نحاربُ.. حتى الموتْ
هل مِن أحدٍ يُبدي رأياً فيما قُلت؟"
*******

تتخيل رد فعل الناس حيبأايه

تعال نفكر
كل الناس كانت ف ذهول
م اللي بيحصل
واحد فيهم
اتقدّم لصلاح الدين
قال: "اسمحلي
إنت صلاح الدين وانا عارف
لكن آسف...
ما اقدرش أحارب ويّاك
أحسن أنا على وِشّ جواز
عايز اشوفلي يومين ف الدنيا
أبقى عريس..
أفرح واتمتّع و أهِيص
لكن حرب؟!!!
سلامُو عليكم... أنا مش فاضي"
*******
واحد تاني
قال: "اسمحلي يا عَمّ صلاح
إني ما اروحش الحرب معاك
عندي عيال عايز اربّيهُم
وانا غلبان
باقْطَع من جسمي وبادّيهُم
لو رُحت معاك -افرض يعنى-
مين هيأكّلهم مِن بَعدي؟
مين -لو رُحت معاك- يراعيهُم؟
أنا عارف.. ربنا موجود
هوا اللي بيرزُق... مش إحنا
بس انا خايف
والبَرَكه ف باقي الرجاله
هُمّا يسدّوا بدالي هناك
وانا هادعيلكُم كل صلاه"
*******
واحد تالت
قال: "انا تاجِر
عندي المصنع والدكّان
ومشاغِل أشكال والوان
أبقى عبيط لو سِبت مصالحي وْجيت ويّاك
لكن هابقى معاكو بقلبي
*******
واحد رابع...
واحد خامس...
سادس...
سابع...
عاشر...
ألف...
كل الناس قالوا: "آسْفين
رُوح وحدك يا صلاح الدين
أحسن إحنا مش فاضيين
لا لجيشك ولا لفلسطين
إيه يعنى أقصانا سجين؟
ما هو في السجن بَقَالُه سْنين
لو بالحرب هنُنصُر دِين...
يِبقى خلاص ما احناش عايزين
إحنا هنقعد منتظرين

ما رايكم فى تلك التخيلات
من المؤكد ستقولون لى لم تلك الظنون السيئه
هناك الكثير يود الجهاد وتحرير الارض المقدسه
انا معكم ولكن اين تلك الناس ؟؟؟ماذا فعلوا من اجل فلسطين والقدس
كل منا كان يشتعل فؤاده حماس فى بدايه السنه وقت احداث غزه
وماذا بعدها ؟؟؟
اريد ان اعرف وجهه نظر كل منكم هل انتهت القضيه بالنسبه لك عند ترك الصهيون غزه ام مازالت تقلقك ؟؟؟
وما هو الحل فى وجهه نظرك وكيف نسعى اليه؟؟؟
ارجو من كل مار على الموضوع ان يذكر رأيه وان كان معارض لم كتب او غريب

تحياتى

كل الشكر غاليتي على الموضوع

اللهم انصرنا عليهم يا رب العالمين

الله وحده بيده النصر

فهو القادر على ابادتهم بأذنه

بالنسبه لي ليس بوسعي فعل شيء سوى الدعاء لهم بالنصر

يعطيكي الف عافيه

\\
ودي

يسلمو حبيبتي الحب ردودك كالعادة مميزة مثلك اسعدني مرورك

موضوع حلو
تسلم إيديك علي هالموضوع
منورة المنتدي واللهي
جزاك الله عني كل خير

الله يسلمك اسعندي مرورك

يعطيكـِ العافية ريماس على هذا الموضوع

طول ما في إحتلال سيظل غصة في حلق كل فلسطيني

لذا طبيعي أن يشعر أي إنسان بالقلق في ظل هذا الإحتلال الغاصب

مشكوره ريماس

وربنا ينصر المسلمين

ما النا غير رب العالمين والدعاء بالنصر

اااااااااامين اسعدني مروركم وانار متصفحي

» طاش ما طاش - صلاح الدين الأيوبي
» تحميل سورة الكهف (صلاح الدين كبارة)
» لعبة صلاح الدين الجديدة Stronghold Crusader Extreme
» تحميل محاضرة كلا إنها لظى الشيخ صلاح الدين علي عبد الموجود
» رائعة من ابداعات صلاح جاهين