يكلمني عن* جروحه *

يكلمني عن جروحه .. وأنا من سبِّته / مجروح !
يسولف لي عن (أحبابه) وأسولف (عنَّه) لـ حاله ..

أحس في دمعة عيونه , وتطلع من بكاه الروح ,
وإذا يفرح مع غيري . . . بكى " قلبي " و / هنَّاله .

ياليت آنا معاه اللي ركبنا في [ سفينة نوح ]
محد يقدر يفرقنا لا : عمِّي .. و لا : خاله

رسمته في قلم ناشف على قطعة خشب من لوح
و تهيألي يحاكيني !! ويبيني أرسم إظلالـه

تحرَّك طيفه الدايم . ولَعَب في حسبتي بجْموح .
يحب الخيل , و , أشعاري .. عشانه صاروا خيَّالـه

وصار بـ عيني ( الأجمل ) مع إنَّ شوي هو / مملوح ,
ولا غيره مــلا عيني وقلبي بس يصفالــه

ذبحني قلبي الساكت ! ... متى قلبي عليه يبوح ؟؟
أحبه وماعرف إني أحبـه , وأعشق وصاله

كتمت , وهذا من طبعي , وتمنيت " الغلا " مفضوح
ببيِّن له ولا أقدر !! مع إنِّي جالس قباله

أخاف إنّه بعد مُدَّه يطير ... ومن إيديني يروح !
هو نعمة من فضل ربي , ويقولوا : النعمـة زوَّالـه

زائر

كلمات راائعة فيفيان ..

صراحة موضوع جميل

يعطيكي الف عافية يارب

تقبلي مروري

شكرا لمرورك مسافر

فيفيان
(
)
لروعة النبض وصفاء الاحساس تجرأت فخط قلمي ما هو منثور أعلاه فعذرا منك ِ ومن جميع من سيطالع نبضك
عزف منفرد بقيثارة من شجن .. تراقصت الحروف فوق متصفحك
لتشكل لنا رقصه على مسرح الحياة .. أبدعتي وليس بجديد على قلماً يداعب الحرف بشغف
(
)
تحيتي

اشكر مرورك يا غالية
لا حرمني روعة حرفك وردك

*يكلمني* عن* جروحه *

يكلمني عن* جروحه *