يـــــا قــــلــــــــــب بيع الحي والربح مضمـــــون

ياقلب بيع الحب والربح مضمون
شفت أكثر العالم من الحب تجآر

أحد يجيد الحب في لعب وفنون
وأحد غدا للحب كاذب وسمسار

ياكثركم ياللي على الارض تمشون
وياقل منكم للوفاء صار معيآر

مدري غبا وألآ علينآ تذاكون
لاتفكرونا بالوفاء ناس كفآر

حنآ نعرف اللي على القلب ويمون
وندري من اللي للوفاء ساق الاعمار

ياعين لاتبكين والشعر مرهون
بلسآن رآع الحزن من نسل الاحرآر

عمره يسوقه سوق كنّه درقسون
من وين مالفّه على طيبته دآر

ياناس والله بالغلا صرت مديون
مؤشر أحسآسي على فراقه أنهآر

فقير حآل ودنيتي دون في دون
من وين ماوجهتهآ كلهآ نآر

وحيد وسط الناس جالس ومركون
كنّي أدور حق سابق ولي ثآر

حزني لو يشوفه من السجن مسجون
حكمه مؤبد والسجن صار له دآر

يبكي وهوبآكي له سنين مطعون
يقول أنآ بنعمه ولاحولي أخطآر

ياصمت هوّنهآ على القلب وتهون
أدفن غرآمك بين حافر وقبآر

أنآ أشهد أني صرت خاسر ومشحون
بين الهموم اللي كما ضلع سنجآر

كنت أعشقك وأبيك ميّت ومجنون
واللحين أنآ مابيك ماني بمحتار

غيرك يطفّي نار حبّي على الهون
ويسرق قصيدي من مقادير الاقدآر

زائر

هذا حال الحب دوووماااا

كلمات رائعه بروعه قلبك وروحك

دمتي مبدعه

أشكر مرورك
دمت بحفظ الله
باقات ودي ووردي لروحك
:^^: