ما يهمنا في اللعب إيطالي

ما يهِمِنا في اللعب إيطالي
حسني وزيدان وأبو تريكه ........ لعيبه في الكوره وخـُبـَرَا
عزفولنا أجمل مزيكا ................. خلوها أحسن م الأوبرا
خضـُّولنا صوفيا ومريكا ............. وبناتهم أم شعور شقرا
ما حناش يا عالم أمريكا ............ داحنا ولاد العتبه وشبرا
نلعب ونرَّقص ع السيكا .............. لعيبه تساوي الملايين
لسْعِتهم أجمد م الكوبرا
ـــــــــــــــ
يا سلام على هاني والحضري ... مع أوكا وفتحي وابو جمعه
عالميين لكن بالمصري .............. في أوروبا هيبقالهم لمعه
لو كانوا احترفوا من بدري ............ لبقالهم في العالم سُمعه
بتشوفهم في بطولة الدوري ............. م الفرحه بتفـِّر الدمعه
لعيبه بالكوره بتجري ........................ زي تمام العالميين
رفعُم راسنا في ليلة الجمعه
ــــــــــــــــــ
واما يجيلنا مزاجنا العالي ........ والروح تبقي معانا لفوق
نلعب ونباصي طوالي ...... والناس برضه مزاجها يروق
والكورة تفرح وتلالي ...... تحضن رِجل المصري بشوق
فين ميدو لعيبنا الغالي ............ يا سلام لما يروق ويفوق
ما يهمنا في اللعب إيطالي ........ ما احنا كمان المصريين
قيمة ولعب وفن وزوق
ــــــــــــ
فين ابوجريشه يصول بشطارته ... يقدر يخطف زي التعلب
وآدي حُمص بحلاوة كوُرته ... واحمد خيري وفرج المُتعِب
لعيبه تستاهل تورته ............. أو سـكر شربــــات وتقلــِّب
حمص حط الجون بمهارته ...... بعد ما ظبـَّط نص الملعب
بعد يابو شحاته ما اخترته ........ خللىَ رقبتك فوق شِبرين
حط الكوره براسُه تلهلِب
ــــــــــــــــ
ما فضلش الا المونديال ......... نوصل له بعد ما نتأهِل
ومعانا شوية أبطال .................. لعيبه حلوه وتستاهِل
بس نركز في الاجوال .. والنصر يا ناس مش بالساهِل
برضه احنا فرقِتنا تـُقال ...... تقدر ع الصعب وهتواصِل
انسى كلامهم في الجرنال ....... وان شاء الله منصورين
ونصحح مفهوم الجاهِل
ــــــــــــــــ

زائر

يسلموووو الاسطوره

ومبروووك لكل العرب فوز مصر التاريخي

مبروك فوز مصر

مشكور اسطورة

تحياتي

زائر

يسلمو اسطورة ..

بس متل ما بحكو يا فرحة ما تمت

يعني مع كل لعبهم الرائع قدام ايطاليا

لعبو لعب بضحك ولعب ولاد زغار قدام امريكا

مع انو ترشحهم كان سهل للغاية

يعطيك العافية

تقبل مرور ي