& انا تعباانه يا يمه &

يا يمه جيت ابسأل ليه انا حظي مجافينـي=
اشوف الناس ملتمه وانا ما بين حسراتي

اشوف افراح من حولي اسلم ما تحيينـي=
اناديها وانا خجلانه الـزم فـي تحياتـي

احاكيها يافرحه وين؟ حلفت انك تزوريني=
اشد بحكي ثم ارخي اداعبهـا بهمساتـي

ولا به فايـده يمـه برغبتهـا تمشينـي=
تواعد ثم تخلفني او انها تنسى اوقاتـي؟

انا اذكْردعوتك لله ... طلبك انه يخلينـي=
طلبك انه بيرزقني و يوفقني في بداياتـي

تعلمت الدعاء منك وصارت عادةٍ فينـي=
اذا نامت عيون الخلق اوجه لربي دعواتي

رجيت بصوت كله خوف متأمل بيعطينـي=
لاجل ما افرّحك يمه رجيت وزدت رجواتي

هقيت ان دنيتي تصدق بدعواتي وتوفينـي=
صبرت بحروة امالي وحروة كل هقواتـي

وجت للخلق ذا كله ولكـن ازرت تجينـي=
وقلت اكيد هي خيره حمدت الله لحالاتـي

كتمت الاه لا تطلـع ولا ودي تشوفينـي=
ما ودي يتعبك نوحي ولا تشقيك شهقاتي

تجرعت الالم يمه شربته بـأول سنينـي=
وجيتك ما بغيت انك تحسي مر لوعاتـي

اضّحك هم دمعاتي واطمن خوف يحوينـي=
واجر بصوتي العالي لاجل عينيك ضحكاتي

واذا صديت عن وجهك اسلم امري لعيني=
تجيني مثل جلادٍ يروق ان شاف دمعاتـي

اجملها بذكـر الله واقـول الله بيجزينـي=
اهدّي نفسي اطلبهـا تجملهـا ببسماتـي

ولكن لو نجي للجد ترى كذبـي مأذينـي=
ما عاد استحمل العيشه بتزيفي لفرحاتـي

انا هلكانه يا يمه انـا تعبانـه ضمينـي=
انا كل ليله اتوفى وارد احيـا لصرعاتـي

ذبحني البرد يايمـه بغيتـك لـو تدفينـي=
طلبتك انزعي بردٍ سكن واستوطن بذاتـي

ضلوعي تزاحمت يمه بصدرٍ ما يكفينـي=
من الضيقه من همومي من الامي واهاتي

يلاعب فكري جنون و تلاعبني شياطينـي=
توريني ضعف حالي ... تذّكرني بمعاناتي

تشككني بحبك لي واقـول انـك تحبينـي=
تعاند حبك بقلبـي تكـذب لـي حكاياتـي

ترى ما هزني خوفي وحبك لي بيحمينـي=
ترى ما عمري اشكك والومك في نهاياتي

انا بس باسالك يمه حقيقه ليه ولدتيني؟؟؟=
بنفس اللحظه يا يمه ولدتي ليه وناتي ؟؟؟

ارد ادعي انا ربي مـن العلـه يشافينـي=
وكل خوفي على قلبك اذا مروك برفاتـي

انا خايفه من احـلامٍ نهايتهـا بتشقينـي=
ومن قسوة مشاويري ومن اخر مسافاتي

وخايفه والله من قبري ومن تربه تغطيني=
وسيره تنقطع بعدي ما يبقى غير كلماتي

ابيكي ترضي بالقسمه ورضوانك بيرضيني=
تراني لاجلك اتمنى يحقق ربـي رغباتـي

يا يمه لا اشوف الهم بوجهك لا تبّكينـي=
ترى مكتوبه قبل اولد متى ولوين خطواتي

واذا ما جت على كيفي ابيكي منها تعفيني=
ابي ترحمني دموعك وتشفع عندك ابياتي

(( كلمات حروفها جسدت معاناتي فنقلتها ))

كمــ جميل أن نجد الراحهـــ بعد التعب

الله يريح الجميعــــ

يعطيكـِ العافيهـ دموع

تقبلي مروري

اشكرك لمرورك نورس
دمت بود

موضوعك بغاية الروعة
يسلموو دموع
تقبلي مروري

اشكر مرورك ورايك الذي يهمني
ويسعدني دائما دمتي بود
:^^:

*&* انا تعباانه يا يمه *&*

& انا تعباانه يا يمه &