رحــــلــــة غـــيـــابـــك

رحــــلــــة غـــيـــابـــك
***************
حبيبـي لا تعاتبنـي إذا دقّ القسـا بـابـك
ترا بعض القسا ساكن ومتغلغـل بإحساسـي
جفاني من الوله نومي وعاتب رحلة غيابـك
وصارت قصة افراحي بعيده عنّهـا انفاسـي
وإذا صار الوله قاتل مسحت الدمـع بثيابـك
على صهوة حنين وخوف أسري لقلبك القاسي
تذكر دفتري وحبرك ودمـع ٍ ساكـن اهدابـك
ثلاث اشيا بها أحيا غِنت عن دنيتي وناسـي
شعورٍ مات بغيابك وهو اللي كان يحيـا بـك
تعال اروي الورود اللي سقاها كاسك وكاسي
أنا والليل .. ثالثنا شعـور الشـوق نغتابـك
ذكرنا عيد ميـلادي وإنتـه للأسـف ناسـي
فكيف أجامل الحفله وقلبـي بقلـب محرابـك
تضرّع للسما يدعي وعاف احـلام جلاّسـي
كفاك ترتب اعذارك وتسقيهـا مـن اسبابـك
تلبّسني جنونك دوم من راسي إلـي ساسـي
وإذا صار القسا لعبه بتلعبها علـى احبابـك
ترا احلام اللقا تشفع قسا هالقلـب وتواسـي
بعاند هالزمن واصبر واوصّي خطوة ترابـك
واعلّق حيـرة آمالـي وادوّنهـا بقرطاسـي
ورغم الياس امنّي بـك شعـورٍ ذاب بعْتابـك
وإذا احتارت موانينا بلبّـس هالأمـل ياسـي
***************

__________________

زائر

يسلمو دموع القمر
احساس صادق يلمس بالكلمات
تقبلي مروري

كلمات رقيقة راقية

نبعت من إنسانة رائعة

رمزها الإبداع في كل موضوع

تحياتي لما قدمتي سيدتي

تقبلي مروري

كل الشكر
كلمات معطرة بالرقة
والاخساس المرهف
سلمتي غاليتي

اشكر مروركم المتميز
دمتم بود(كل القصائد..اسطوره...وعاشقة الزهور)