المباني !!!

موضوع: المباني !!! السبت أبريل 11, 2009 8:06 am

المباني

جابك الله من غياب ٍ ضيّق صدور المباني

قبل لا الوحشه تزعزع بيتك الصلب وتبيده

بيتك اللي من رحلت وكل جدرانه تعاني

ماتحمل ينتظر شهرين وعيونك بعيده

الله العالم لو إنك جيت متأخر ثواني

ماتشوف إلا بقايا من حصاه ومن حديده

من عرفتك وأنت تايه من مواني لي مواني

وتارك ٍ قلبي مولّع من وقيده في وقيده

ضاعت سنيني أحد بهاليالي وتحداني

وأنت ماتشبع غياب ولاتخاف من النقيده

ودي أتحمد لك الله بالسلامه , مامداني

كل ماتوصل برحله ترجع برحله جديده

دام تدري كل وجه ٍ غير وجه الله فاني

[size=22ياخي أكسبلك ثواب وخاف ربك في عبيده [/size]

كان فيني عيب قلي:فيني العيب الفلاني

كان هرجي مزعلك في شي قلي:لاتعيده

عيب تصغر في عيوني وأنت برقاب الغواني
[size=22

كيف تستسهل طعوني وأنت خابرني وليده ؟ [/size]

لعنبوك أن مت بيدك من يفكك من أخواني ؟

لحزنوا ربعي على فرقاي شاللي تستفيده ؟

أنت منت اللي عشقته أنت أكيد انسان ثاني

ليه صرت بهالبرود وبهالاحاسيس البليده ؟

وين حبك للزعل .وين العناد الأولاني ؟
[size=22

وين حنّية زمان وفرحة العمر الرغيده ؟ [/size]

وين ذاك اللي اليا أقبل مايبات إلا بمأني ؟

وين راح اللي اليا أقفى مايروح ألا فقيده ؟

واحد من جابه الله بس يلأمر ويعصاني

الوحيد اللي أخافه غصب وأمشي معه سيده

(مابغيت أطيح بيده) لين ماربي بلاني

ولا أنا لو هي بكيفي (مابغيت أطيح بيده)

ذاك بس اللي يامن جيته يلخبط كياني

اللي بنظره ينشف دم قلبي في وريده

قبل أشوفه أجمع اله أحلى القصايد والمعاني

وأن لقيته ماعرفت أقول لي جمله مفيده

الف مره قبله أعد القصيده من لساني

ولعنبوه أن جيت عنده قمت أخربط بالقصيده

أمدحه وأنا أدري أنه لو تباطاني نساني

أنطحه وانا أعرفه مجنون وأفكاره عنيده

من يسوي بي سواتك يالرهيف الاسمراني ؟

منهو من الناس غيرك غلطته ترفع رصيده ؟

من يقص(جناح طيرك)وأنت أعز أنسان جاني ؟

ليه أخاف(رماح غيرك)وأنت ضرباتك سديده ؟

ان تبعتك .أتبعك من طيبي وواسع بطاني

ولا أنا لاجيت أكيد انسان عزالله بكيده

أقدر أنزع لك ثيابي وألبس ثياب الأناني

وأقدر أطلع من عذابي والعب بدورك وأجيده

ومستعد أكسب رهاني لو بغيت أكسب رهاني

وأخدعك بحساس كاذب وأتحدى من يصيده

أبك أنا لي شفت خلّي حط غيري في مكاني

والله اني لتركه وان صد لعشق سيد سيده

جيت مابيك تحقرني جيت أبيك تعز شاني

جيت أبي فزعة ظلوعك من مشاعرك البليده

خلني داخل (حدودك) وأجبر بخاطر زماني

أكذب بباقي (وعودك) وأصدق بلحظه سعيده

أنتشلني من (برودك) لو تولّع بالمحاني

عطني أحساس (بوجودك) وأخذ كل اللي تريد

تكفى واليا قلت :تكفى بيع خلق الله عشاني
[size=22
لاتضيّع من يديني فرصة العمر الوحيده [22]

يعلم الله شفت منك ومن غيابك ماكفاني

كان ماتقدر تخفف هم قلبي !! لاتزيده

شف غيابك وش يسوي بالصدور وبالمباني

وأنت تدري كيف كانت صدمت غيابك شديده

والله أنك لو وصلت البيت متأخر ثواني

مالقيت إلا بقايا

ـــــــــــــــــــــــ

زائر

قبل أشوفه أجمع اله أحلى القصايد والمعاني

وأن لقيته ماعرفت أقول لي جمله مفيده

أنت منت اللي عشقته أنت أكيد انسان ثاني

أقدر أنزع لك ثيابي وألبس ثياب الأناني

وأقدر أطلع من عذابي والعب بدورك وأجيده

ومستعد أكسب رهاني لو بغيت أكسب رهاني

وأخدعك بحساس كاذب وأتحدى من يصيده

كان ماتقدر تخفف هم قلبي !! لاتزيده

×××××××××××××××××××××

يسلمو عاشقة الزهور ..

قصيدة رائع .. كلماتها عذبة .. معانيها راقية ..

لا عدمت جميل طرحكــي ونقاء كلماتكــ

تقبلي مروري ،،

موضوع: رد: المباني !!! الأحد أبريل 12, 2009 12:11 pm

كل الشكر المسافر على مرورك العطر
وكلماتك الفواحة
تحياتي

موضوع: رد: المباني !!! الإثنين أبريل 13, 2009 5:53 am

كلمات رائعه غاليتي
استمتعت كثيرا بقرائتها
لك كل الود
تحياتي

غاليتي

**

أبدعتي يا رائعة

حروف صادقة الإحساس

راقية كشخصك

دمتي ودام مداد قلمكِ

نابضاً بالعطاء

أرق التحايا

*
:فراشات:

يسلموووووووو الحب المستحيل وحنين
على المرور العطر والكلمات الرائعة تحياتي

» اغرب المباني في العالم
» فن الرسم على المباني ابداع لا حدود له