رواية لماذا فعلت بي هذا بقلمي

رواية لماذا فعلت بي هذا الجزء الأول نبدأ الرواية بذكر ابطالها إيمان أم عمرها 41
مشعل اب عمرة 52
امل الابنة الكبرى عمرها 27
مها الابنة الصغرى عمرها 19 نبدأ الحكاية في يوم الاربعاء كانت إيمان تصلي الفجر وبعد صلاتها ذهبت لكي توقض بناتها للصلاة والمدرسة إيمان: يا بنات يالله قوموا صلوا امل: إنشاء الله ابشري يا يمه
مها : يمه ابشري هذا أنا قمت بس أبغاكي تشيليني
إيمان: لا والله أنا عساني اشيل نفسي
مها:ماما شيليني
امل: مها خلي عنك الدلع قومي لأفرط وجهك بكف
مها : ابشري يا أموووولة
ايمان: يالله جعلكم تعرسون
امل : امين يارب
مها: عقبي يارب
امل: أقول قومي وانتي ساكته
(ذهبوا للصلاة ومن ثم ذهبت مها للمدرسة وبعد عودتها )
مها: أمولة (وهي ترمي بنفسها على السرير)
امل: عمى خير وش تبين وقفتي قلبي
مها:أسفه ما كنت ادري انك نايمة
امل: أنا مو نايمة بس أنتي روعتيني
مها: أسفه والله
امل: طيب عادي حبيتبي حصل خير أنتي علميني كيف كانت المدرسة معاكي
مها: لاتسألين اكيد مو زينة ياليتني شديت حالي السنة اللي راحت
امل: خلاص شدي حيلك السنة هذي
مها: ابشري فديتك اسمعي ترى أمي تقول تعالوا تغدوا
امل: خلاص أنتي أسبقيني و أنا جاية اللحين
مها: طيب ابشري بس أنا بروح اغير ملابسي وأخذ شاور وانزل لكم
امل: خلاص طيب يالله قومي
(وبعد الغذاء وفي غرفة امل و مها )
مها: حبيتبي أمولة عطيني الابتوب حقي بليز امل: طيب ....
تفضلي
مها: شكرا
امل: العفو
مها: يوووووووة
امل: (واهي تطل في الابتوب)وش السالفة ؟
مها (واهي تقفل الابتوب) مافية شي
امل: تكلمين شباب !
مها: لا والله
امل:كذابة أنا شفت صورة ولد
مها: أقسم بالله ان هاذي عبير مرسلة لي صورة أخوها تقول أنة يبي يتزوج واهي تدور لة عروسة بس ما توقعت انها راح تخطبني أنا
امل: طيب عادي أشوفة ؟
مها: تفضلي
امل: تقرأ الرسالة بصوت عالي (السلام عليكم ورحمة الله وبركاتة كيفك مهاوي أنا لقيت عروسة لأخوي أحمد واهي أنتي وين أحصل وحدة أحلى منك جمال،عقل،كل شي ماشاء الله الله لا يضرك شوفي هاذي صورتة .......
مها : يابنت خلاص ترى كليتية بعيونك
امل: خلاص خلاص طيب (ترى اسمة محمد عمرة 22 يشتغل في الشركة حقت أبوي راتبة 5000 وش تبغين تعرفين عنة بعد أسألي وأنا راح أجاوبك لاتستحين فديت عمرك أكيد وجهك اللحين صاير طماطة هههههههه امانة يا مهاوي لاتجبرين نفسك علشاني إذا اعجبك وافقي وإذا ما أعجبك أرفضي يالله أشوفك على خير وأتمنى لكي إجازة ممتعة أختك وصديقتك ورفيقة دربك عبير)
امل: ياسلاااااام
مها: وش تقصدين
امل: ولا شي
مها: جيبي الجهاز بسرعة
امل: تفضلي
(نذهب إلى أسرة عبير
صالحة أم عمرها 40
مالك أب عمرة 57
محمد عمرة 22
عبير عمرها 18)
عبير: خلاص ياحمودي أصبر توني مرسلة لها وش فيك مستعجل
محمد: وش أسوي طيب
عبير: والله مدري .....
محمد: جاتك رسالة أكيد منها شوفي بسرعة
مها: طيب ... يب منها تقول( عبير حياتي فاجأتيني بس عندي كم سؤال بس لاتفهميني غلط أخوك يصلي ولا لا وكم حافظ من القرآن وهل أهو يدخن ولا لا وهل أهو بار في أبوكي وأمك وهل أهو عصبي بس هاذي الأسألة اللي عندي)
محمد: موافقة ولا لا بسرعة جاوبيني
عبير : وش بالع أنت رادو ولا تلفزين طيب جاوبني بأمانة علشان أعلمك
محمد : تفضلي أسألي
عبير: أنت تصلي ، وكم حافظ من القرآن ،أنت تدخن ولا لا ،وهل أنت بار في أبوي وأمي ،وهل أنت عصبي
محمد: أية والله أصلي والحمد لله بس للأمانة نادرا ما ألحق على الصف الأول بس الركعة ألأولى ماتفوتني أبد وبالنسبة للقرآن حافظ 3 أجزاء الدخان ما أدخن والحمد لله وبالنسبة للبر أنا لو أضل أقبل رجولهم لين أموت ماوفيتهم حقهم وش باقي ذكريني
عبير : أممممم أية أنت عصبي ولا لا
محمد: أنا مو عصبي بس إذا عصبت عصبت
عبير : طيب بس ثواني أرسل لها
(وفي منزل مها)
امل: ردت عليكي ولا باقي
مها: يب ردت
امل: طيب عادي أقرا انا
مها: تفضلي
امل: أممممممم
مها: أقري زين ولا جيبي
امل: خلاص طيب بقرا زين تقول(حبيبتي مهاوي يقول أخوي أصلي والحمد لله بس للأمانة نادرا ما ألحق على الصف الأول بس الركعة ألأولى ماتفوتني أبد وبالنسبة للقرآن حافظ 3 أجزاء الدخان ما أدخن والحمد لله وبالنسبة للبر أنا لو أضل أقبل رجولهم لين أموت ماوفيتهم حقهم وبالنسبة للعصبية أنا مو عصبي بس إذا عصبت عصبت""وترى محمد ماعندة أسألة )
امل: أرسلها موافقة
مها: لا وانتي وش دخلك
امل: يعني كذا لقافة
مها: أقول جيبي
امل: الله أكبر قمتي تغلين ترى باقي مابعد صار شي
مها: وربي ماتغليت خلي عنك
(وفي منزل عبير)
عبير: تراك دلوع يا حموود أصبر عليها شوي
محمد: صار لها ساعة ولين اللحين ماردت
عبير: خلاص أجل قوم أطلع من غرفتي
محمد: أبشري بس عطيني الابتوب حقك
عبير: هههههه خلاص أقعد
محمد: طيب ردت عليكي ولا باقي
عبير: يوووووة منك يب جتني الرسالة تقوووووول أية ( عبير حياتي أنا يكفيني أنة أخوكي وربي هذا شرف كبير لي على العموم أخوك يهبل ماشاء الله تبارك الرحمن بس والله ما أقدر أرد لك خبر اللحين عطيني فرصة أكلم أهلي )
محمد: شي حلو مشكورة عبير تسلمين (وهو يعطيها الجوال)
عبير: وش فية؟
محمد: دقي عليها أبي أسمع صوتها
عبير: أبشر
(وعبر الهاتف)
عبير: الووو
مها: هلا وغلا السلام عليكم
عبير: وعليكم السلام
مها: وربي منتي سهلة ماتوقعتها منك
عبير: بس كيف كانت المفاجأة
مها: تهبببببببببببل
عبير: من تتوقعين مين اللي جمبي
مها: .................... مدري
عبير: فديت اللي يستحون والله أخوي جمبي
مها: طيب يسمع المكالمة
عبير: يسمع المكالمة أكيد أصلا أهو اللي خلاني أتصل عليكي
مها: طيب حبيبتي ماما تناديني عن أذنك
عبير: مع أني عارفة أنك نصابة لاكن يالله نمشيها لك
مها: أستودعك الرحمن
عبير: مع السلامة
محمد: ياحليلها تستحي
عبير: يب ياحليلها تراها طيبة وحبوبة الله يوفقها
محمد: آمييييين خلاص أنا بروح
عبير:خلاص طيب روح علشان أقرى رسالتها لحالي
محمد: وش أرسلت لك بليز
عبير: تقول(والله أستحيت كان قلتيلي أن أخوكي جمبك علشان أثقل شوي أسمعي أنا بروح أنام ترى والله مانمت أشوفك على خير سلميني على أمك وعلى نفسك وعلى اللي تحبينهم وعلى جيرانكم وعلى صديقاتك وسلميلي على نفسك
مع السلامة)
عبير: حمودي ترى مهاوي تسلم عليك
محمد: تراني قريت الرسالة معك لاتلعبين علي
عبير: لا بس اهي قالت لي سلميني على اللي تحبينهم وأنت أخوي وحبيبي
محمد: تسلمين عن اذنك
عبير: خذ راحتك ولا تجلس تفكر فيها
محمد: هههههههه بحاول بس مو أكيد
عبير: الله يتمم على خير
محمد: آمين
(وفي منزل مها )
امل: أنا زعلانة منك يا مهاوي
مها: ليش ياعمري
امل: (وهي تبكي) راح تتزوحين وتتركيني لحالي
مها: (واهي تضم أختها) حبيبتي ماراح أنساكي طول عمري بعدين لاتخافين كل يومين انا مسنترة عندك
(وفي يوم الخميس)
مها: ماما أن أبي أكلمك في موضوع بس مستحية منك
إيمان: ماشاء الله أشوفك مستحية أكيد أنك تبغين تغيبين يوم السبت؟
مها: لالالا أصلاَ أنا أموت في المدرسة
إيمان: أجل قولي بسرعة
مها: عاد مو في المطبخ تعالي المقلط
إيمان طيب أصبري أقصر على النار..... يالله تعالي
(وبعد جلوسهم)
مها: يمة تعرفين عبير؟
إيمان: أية أعرفها وش فيها عسى ماشر
مها: ماشر يا يمة بس تبي تخطبني لأخوها الكبير
إيمان: والله الله يوفقك يا حبيبتي تعالي ياعمري أضمك
مها: هي هي هي فديتك يا ماما ...... طيب يا ماما أنتي موافقة؟
إيمان: أكيييييييد
مها: فديتك يا أحلى أم بالدنيا
إيمان: وأنا فديتك يا أحلى بنت في الدنيا
مها: أجل خليني أروح أبشرها
إيمان: روحي الله يوفقك
..............
(وعبر الهاتف)
مها: إهي إهي ماما ماوفقت يا عبير
عبير: خلاص حبيبتي عادي الدنيا حض ونصيب وكل شي بيد الله سبحانة وتعالى
مها: ألعب عليكي ماما تقول تعالو عندنا بالبيت
عبير: خلاص بنمر عليكم بعد المغرب جهزي عمرك
مها: طيب
(وبعد صلاة المغرب)
مها: أنا خايفة يا أمولة
امل: لاتخافين يا بنت
مها: والله مدري بس حاسة بخوف مو طبيعي
امل: اذكري الله يابنت
مها: لا إله إلا الله
(جرس الباب: ترن ترن
امل: يالله قومي ألبسي
مها: طيب طيب
(وعند النساء)
إيمان: هلا وغلا تو مانور البيت
صالحة: منور بأهلة
عبير: وشلونك خالتي عساكي طيبة
إيمان: والله بخير يامال الخير
عبير: الله يخليك
امل: السلام عليكم
صالحة+ عبير+إيمان: وعليكم السلام
امل: أخباركم عساكم طيبين
صالحة+ عبير: والله تمام
عبير: وين مهاوي ؟
امل: اللحين جاية
مها : السلام عليكم
صالحة+عبير+امل+إيمان: وعليكم السلام
صالحة: ماشاء الله تبارك الرحمن دام كلكم موجودين أنا أبي أكلمكم في موضوع
ايمان: تفضلي
صالحة: أنا أبي أخطب بنتك مها لولدي محمد
ايمان: يابعد عمري والله لنا الشرف يا حبيبتي
صالحة: تسلمين والله
ايمان: هاة وش قلتي يا مها
صالحة: ماراح ترد فديتها مستحية خلاص خليها على راحتها بس تكفون لاتنسون تردون علينا في هالأسبوع
ايمان: أبشري ولا يهمك
صالحة: يالله أجل نستودعكم الله
ايمان: أجلسو تعشو معنا
صالحة: والله نبي نمشي والجايات أكثر
ايمان: الله يوفقكم ويسعدكم
(وبعد خروج عائلة عبير)
امل: يا مهاوي مارديتي علينا أنتي موافقة
مها: (تذهب إلى غرفتها مسرعة)
ايمان: يابعد عمري يا زين دلعها
امل: هههههه أية والله يا حليلها
(وبعد مرور ثلاثة أيام وعبر الهاتف)
ايمان: الوة السلام عليكم
صالحة: وعليكم السلام
ايمان: أبشرك يا صالحة ترانا موافقين
صالحة: والله ماني قادرة أمسك نفسي خليني أروح أبشرهم
ايمان: خلاص حبيبتي طيب متى راح تزورونا
صالحة: بكرة المغرب انشاء الله
ايمان: انشاء الله وترانا في أنتضاركم
(وفي اليوم التالي وبعد صلاة المغرب)
مشعل: يالله حيهم تو مانور البيت
مالك: منور بأهلة
مشعل: أخبارك ياولدي يا محمد
محمد: والله بخير دامك بخير
مشعل: تفضلو أستريحو
محمد: عنك يا عمي والله ماتصب
مالك: أبد أسترح يا أبو فهد
مشعل: جعلك تسلم
مالك: ترانا باغين القرب منكم وطالبين يد بنتكم مها لولدنا محمد
مشعل: نتشرف فيكم والله وإذا علي تراني موافق
مالك: جعلك تسلم يا أبو فهد قم يامحمد حب راس عمك
محمد: جعلك تسلم ياعمي
مشعل: الله يسلمك عن أذنكم شوي
مالك: أذنك معك
محمد يايبة اللحين راح تجي مها
مالك: أية راح تجي اللحين بس أثقل
............... أنتهى الجزء الأول أنتظروني في الجزء الثاني

الجزء الثاني
محمد يايبة اللحين راح تجي مها
مالك: أية راح تجي اللحين بس أثقل
مشعل: وين بنتك يا ايمان الرجال يبغى يشوفها
ايمان: أبشر اللحين أناديها لك
مشعل: يالله أسرعي
مشعل: يالله حيهم
مالك: الله يحييك ويبقيك
مها: السلام عليكم
مالك+محمد+مشعل: وعليكم السلام
(وبدأ كل من محمد و مها ينظر إلى الآخر)
مشعل: هاة شبعتو ولا باقي
مالك: هههههههه ماراح يشبعون
(مها أنحرجت من كلام ابوها وطلعت)
مالك: محمد وش رايك فيها
محمد: موافق
مشعل: أجل تم وترى المهر عشرة آلاف ريال
مالك: خلاص تم
(تم دفع المهر وبعد ذلك أخذ محمد رقم مها من عبير)
(وعبر الهاتف)
محمد: الوة
مها: الوة من معي (لم تكن تعلم)
محمد: أنا زوجك وحبيبك
مها: آسفة أنا ما أحب أحد( وأغلقت الهاتف)
مها: امل فية واحد يقول أنة حبيبي ومدري وش!
امل: لايكون محمد!
مها: لا ما أتوقع بس شكلة واحد يستهبل
مها: جتني رسالة منة وش أسوي؟
امل: أقريها
مها: طيب يقول(مها أنا آسف على إزعاجك وآسف لأني خذيت رقمك من عبير من دون ما آخذ أذن منك أنا كنت أبغى أتطمن عليكي وترى والله مازعلت على العموم هذا رقمي زوجك محمد)
امل: ههههههه قايلة لك أكيد أنة زوجك بس أنتي عبيطة
مها: وأنا وش ذمبي يستاهل محد قال لة مايعلمني
(وبعد مرورشهر على العرس)
مها: حمودي حبيبي أنا أبي شوكليت مابي استروبري
محمد: خلاص أبشري شوكليت شوكليت ... كم الحساب
المحاسب: 227
(وفجأة) محمد
محمد: هلا وغلا
سلطان: ياهلا ومرحبا عرفتني؟
محمد: لاوالله ماعرفتك
سلطان: أنا سلطان كنت معك في الثانوية
محمد: سلطان بن فايز
سلطان: أية ماشاء الله عليك مانسيتني
محمد: بدري علي ماشيبت
سلطان: ههههه ترى الحساب علي
محمد: لاوالله ماتدفع أنت اللي حسابك علي وترى غداك عندنا
سلطان: لا يابوك اليوم أنا معزوم في أستراحة
محمد: والعيال كلهم موجودين؟
سلطان: لا مافية غير سعود
محمد: خلاص أجل أبشر
سلطان: خلاص أجل توصيني بشي
محمد: سلامتك
(محمد حاسب وراح للسيارة)
محمد: تصدقين يامهاوي أن هذا الرجال كنت أعرفة من أيام الثانوية
مها: تصدق يا حمودي ان هذا الرجال ما أرتحت لة
محمد:وليش ما أرتحتي لة؟
مها: كذا شكلة مايطمن
(وبعد صلاة العشاء)
مها: محمد والله قلبي ناغزني من ذاك الرجال
محمد: مهاوي ياقلبي تكفين سكري الموضوع من شفتية وأنتي ماتبغيني أروح تراني مواعدهم تكفين عاد لاتخليني أزعل منك
مها: كيفك بس كل شوي طمنني عليك
محمد: أبشري
(وفي الاستراحة)
محمد: يالله حي الشباب
سلطان: الله يحييك يالمعرس
سعود: يوووووة محمد نسيتك وأنا أخوك وش أخبارك
محمد: تمام
(وبعد منتصف الليل)
محمد: يالله أستأذنكم بروح
سلطان: أفااااا من جدك مابعد بدينا الحفلة
محمد: طيب جلسنا بس متى تخلص حفلتكم
سلطان: الفجر
محمد: أوكية الفجر الفجر وش ورانا
سعود: سلطان تعال شوي أبغاك
سلطان: عن أذنك يامحمد
محمد: أذنك معك
سعود: يا سلطان تراني أبغى أصمد راسي محمد يعرف ؟
سلطان: بس أخاف يزعل شف أنا بمهد لة
سعود: طيب
سلطان: آسفين يا محمد عسى ماطولنا عليك
محمد: لا وش دعوى عادي خذو راحتكم
سلطان: يامحمد تراك منا وفينا وفي الحقيقة ترانا نبغى نفرط ونشرب
محمد: ! من جدكم!
سلطان: أية من جدنا
سعود: لاتخاف يامحمد تراها مو خطيرة ولا تدمن عليها
محمد: كذابين والله أنها تخلي الواحد يدمن
سعود: تراها أنواع واللي تخلي الواحد يدمن غالية وأحنا ناس على قد حالنا وهذا مع جمبها ماتدمن ولا شي
محمد: كلامكم غريب وانا مو مصدقكم
سعود: جربة وإذا أدمنتة ترى علاجك على حسابي
محمد: طيب أفكر
سلطان: بنروح نجيبة ونرجع لك
(ذهبو لإحضار الخمر والحشيش)
سلطان: مجنون أنت وشلون تقول لة هذا الكلام؟
سعود: بعدين راح تعرف صدقني راح تدعي لي
سلطان: والله ما أدري عنك خذ الكيسان و ألحقني
(وفي هذة ألأثناء)
محمد: أنحاش ولا أجلس؟
سلطان: هلا وغلا يا محمد نورت الجلسة
محمد: هلا هلا
سعود:أصب لكم؟
سلطان: فل عبي الكاس
محمد: أقل من الربع أنا بذوقة وبس
سعود: ياحبي لك يا محمد لين اللحين تحب تجرب تفضل
محمد: وععععع وش في طعمة كذا
سعود: تراة زين أشرب أشرب وأحمد ربك
محمد: طيب كيف تشربون هذا القرف
سلطان: قرف؟ وش نسوي ماعندنا فلوس نشتري شي زين
سعود: يالله فرطنا
سلطان: فرطنا
محمد: لا لا مابي
سعود: ياخي ليش انت خواف أنا قلت لك هذي ماتخلي الواحد يدمن
محمد: طيب
(وبدأو في شرب الحشيش والخمر)
محمد: (أغمي علية في أول خمس دقائق)
(وفي المنزل وعبر الهاتف)
مها: يا أمل أنا خايفة على محمد جالسة أدق علية وأرسل بس مايرد علي وش أسوي؟
امل: أذكري الله وصلي لك ركعتين وحطي راسك ونامي والصباح رباح
مها: أبشري يا أمل مع السلامة
امل: وبشرينا عنك
مها: أبشري مع السلامة
امل: مع السلامة
مها: يارب أن محمد يكون بخير
(وفي الساعة الثامنة صباحا)
محمد: آآآآآه يا راسي
سلطان: قمت تراك طايح علينا من أمس
محمد: كم الساعة؟
سلطان: الساعة ثمان وربع
محمد: يووووووة تأخرت يالله بروح مع السلامة
سلطان: مع السلامة
محمد: يوة مها متصلة علي 42 مرة ومرسلة 7 رسايل خلني أتصل عليها
(وعبر الهاتف)
محمد: ألوة
مها: محمد وينك جالسة اتصل عليك وارسل لك من أمس أمانة قل أنت بخير؟
محمد: لاتبكين ياروحي أنا بخير بس جوالي كان طايح تحت المرتبة وتوني لقيتة
مها: أمانة لاتكذب علي أنت بخير؟
محمد: والله بخير عاد أمسحي دموعك ولا تبكين ولا ترى راح أزعل منك ولا راح تشوفيني
مها: خلاص والله توبة بس وش أسوي خوفتني عليك طيب راح تجي للبيت ولا لا
محمد: أكيد راح أجي للبيت
مها: أنتضرك
(وبعد مرور نصف ساعة)
محمد: السلام عليكم
مها: وعليكم السلام .... محمد وش هذي الريحة
محمد: أي ريحة ما أشم شي
مها: محمد لاتكذب علي تكفى
محمد: ما فيني ريحة ولا شي
مها: كذاب الريحة من فمك
محمد: ما راح تصدقيني كيفك أنا ماشي
مها: خلاص توبة معد راح اسألك عن أي شي بس أهم شي رضاك علي
محمد: أنا راضي ومو زعلان
(وبالنسبة لمحمد ترك الصلاة وقراءة القران وأصبح مدمن للحشيش) وفي يوم من الأيام
محمد: عطني حشيش ترى راسي بينفجر
سعود: تخسي وتعقب معك فلوس أبشر غير كذا مافية تراني مو أبوك ولا أمك علشان أصرف عليك
محمد: كم تبغى؟
سعود: أبغى خمسة آلاف
محمد: أبشر بس ثواني أجيب فلوسي من السيارة
سعود: أسرع ولا ترى بتطير عليك
محمد: ..... تفضل هذي كل فلوسي بس عطني أبي أصمد راسي
سعود: فارق رح خذها من تحت التلفزيون
(وبعد مرور خمسة أشهر توفي والد محمد بسبب جلطة وتولى محمد رئاسة الشركة وقد قام بتوكيل سعود على الإدارة المالية وقامو بسرقة الشركة وقامو بإغلاقها بعد أن أعلنت إفلاسها وأما بالنسبة لمحمد فلم يهمة ذلك الأمر فقد كان عبداَ عندهم وفي أحد الأيام!!!)
محمد: ياسعود الله يرحم والديك عطني أي شي
سعود: ياحبيبي هذا أول كنت أعطيك ببلاش اللحين كل شي بحقة
محمد: طيب وش تبغى؟
سعود: وش أبغى! أبغى شي حلو علشان أعطيك شي حلو
سلطان:؟؟؟؟؟؟ سعود خير وش تحس فية!
سعود: تذكر ذيك المرة يوم قلت لك راح أخليك تدعي لي؟
سلطان: أية أذكر!
سعود: خلاص أجل شوف وخليك ساكت
سلطان: ؟؟؟؟؟؟ والله أنك داهية بس الله يستر منك
سعود: هاة يا محمد وش قلت موافق ولا لا؟
محمد: موافق أكيد بس قل لي وانا أنفذ
سعود: أبغاك تجيب زوجتك لي فاهم
سلطان: وش تقول يالمجنون
سعود: بتسكت وشلون؟
محمد: خلاص أبشر بس تكفى عطني
سعود: أول نفذ طلبي وأبشر بعزك
محمد: أبشر اللحين أجيبها لك
(وبعد مرور ساعة ونصف)
محمد: مها يا مها وينك؟
مها: بسم الله الرحمن الرحيم خير وش فيك حبيبي
محمد: أمشي
مها: وين؟
محمد: أقول بس تعالي (وهو يسحبها)
مها: حرام عليك وش تسوي طيب خليني ألبس عبايتي
محمد: أصكتي وأمشي لأذبحك اللحين
مها: الله يسامحك وانا وش سويت لك خلني
محمد: أصكتي
(وبعد مرور ساعتين)
محمد: خذها بس تكفى عطني
سعود: شاطر حبيبي أنت شاطر وتستاهل أحلى هدية تفضل هذي أبرة دق نفسك بها بس روح مكان بعيد أول
محمد: شكرا (وذهب مسرعاَ لكي يستخدم الإبرة)
مها: حرام عليكم وش تبغون فيني
سعود: ياحلوة أنتي نبغى منك كل شي بس أنتي خليكي عاقلة
(قام سعود بإغتصابها ومن ثم..)
(وعبر الهاتف)
سعود: الو
السمسار: مرحبا
سعود: ترى البنت عندنا
السمسار: حلو وترى الفلوس عندي وراح أعطيك أياها كااااش
سعود: حلو حلو تعال عندي
السمسار: دقايق وأنا عندك
(وبعد مرور ربع ساعة وصل السمسار)
سعود: فلوسك يالحبيب
السمسار: تفضل
سعود: 12 مليون
السمسار: بالظبط
سعود: شف البنت في الغرفة
(قام السمسار بإخذ مها وبعد ذلك قام بقتلها وبيع أعضائها)
سعود: يا سلطان تبغى ستة مليون وتسكر فمك
سلطان: أقول فارق ولا تتكلم معي
(وجد محمد وقد تفجرت شرايينة بسبب جرعة زائدة)
(وبالنسبة لسعود وسلطان حكم عليهم بالإعدام بعد أن قام سلطان بالإعتراف)
(بالنسبة لعائلة مها حزنو كثيراَ على فقددان أبنتهم )
(بالنسبة لعائلة محمد فقد ندمو على فعلتة هذة ولاكن لم يعد ينفع الندم)
وفي الأخير (وبعد مرور ستة أشهر...)
أمل: يوة كم لي مافتحت إيميلي خلني أدخل واشوف إذا فية أحد مرسل لي شي ...... يوة عندي رسالة خلني أشوفها (أختي الغالية أمل أنتي أروع انسانة عرفها الكون أعتذر لأنني لم أعد أقوم بزيارتك ولاكني عالقة في شباك الزمن لذا اعذريني قد لاترين هذة الرسالة إلى بعد فوات الآوان لذا كوني حذرة من كل شي فأنا أشعر بأنني أعيش آخر لحضاتي أختك مها)
أمل: آآآآآآآآآآآآآآآآآآه يا مهاوي .
بسام الدوسري: أنتهت روايتي نعم ولكن هذة الأحداث لاتزال تحدث حتى يومنا هذا لذا فلنحذرأعلم أن هذة الرواية ليست بالجيدة وبالطبع فأنا لا أقارن ما أكتب بما كتبتم أنتم
تقبلو تحياتي وإعتذاري أخوكم وإبنكم بسام الدوسري
وأحببت أن أشكر أختي (قاطفة الثقافة) فهي سبب كبير من الاسباب اللتي جعلتني اكتب هذة القصص والروايات وبالطبع الشكر موصول لكل من علق ومن قرأ ومن هو موجود في هذا المنتدى وشكرا...

راائعة بحق اقولها بصدق

ابداع بالرغم من انها بداياتك فالكتابة

بس قصصك تلامس الواقع المرير

واتمنى الكل يستفيد منها ومن كل قصصك القادمة

لا حرمنا جديدك ليعطر منتدانا

ولك كل ودي وتقيمي +1

هموووسة أشكرك كثييييييييييييييييييييييييييير بس حبيت أخبرك ترى أنا صار لي في الكتابة حوالي ثمانية شهووووور ^.^

اللهم آمين الله يسعدك شكراَ على مرورك الرائع