لو قلبك مادقش بعد الكلام ده!!..راجع نفسك...

بسم الله والصلاة والسلام على رسول الله...

اليوم حبيت اشارك معاكم بحديث قدسى ..بس جامد جدا..رغم معرفتنا به..بس كل مرة بنقوله قلوبنا لازم ترتجف من حب ربنا ..رغم ضعفه بس معانيه فعلية ياربيكون مفيد ويكون سبب فى شرح صدورنا..

تعالى نشوف الجمال وبعدين نحاول نفهمه مع بعض ببساطة ...

يقول الله فى الحديث القدسى:

انى والانس والجن فى نبا عظيم،اخلق ويعبد غيرى،ارزق ويشكر سواى خيرى الى العباد نازل وشرهم الى صاعد،

اتودد اليهم بالنعم وانا الغنى عنهم ويتبغضون الى بالمعاصى وهم افقر ما يكونون الى،اهل ذكرى اهل مجالستى،من اراد ان يجالسنى فليذكرنى،اهل طاعتى اهل محبتى،اهل معصيتى لا اقنطهم من رحمتى،

ان تابوا الى فانا حبيبهم، وان أبوا فانا طبيبهم،

أبتليهم بالمصائب لأطهرهم من المعايب،من اتانى منهم تائبا تلقيته من بعيد،ومن أعرض ناديته من قريب،

أقول له: اين تذهب؟ الك رب سواى،الحسنة عندى بعشرة أمثالها و ازيد،والسيئة عندى بمثلها واعفو،وعزتى وجلالى لو استغفرونى منها لغفرتها لهم.......

ياااا يارب...يا على عظمتك وحبك لينا وعلى رافتك بينا...

شوفوا ربنا سبحانه وتعالى اللى قادر يخسف بينا الارض واحنا بنعصيه..بيتكلم بلهجة مليانة حنية ازاى....انت حاسس بالحنية دى..

شوف ربنا بيستغرب من عمايلنا وذنوبنا...منعم علينا ومدينا كل حاجة احنا محتاجينها ..و اللى بيشرك بيه..واللى بيفكر ان هو السبب فى النعيم اللى عايش فيه وميذكرش فضل ربنا عليه ابدا...

انت مش حاسس بكلمة اتودد دى ..مش شايفها..احنا قلوبنا دى حجر ولا ايه يااخوانا ..

ربنا العظيم بيقول انه بيتودد لينا بيقربلنا عشان نحبه ...عايز يدينا كل حاجة اللى هى فعلا عندنا بس احنا اللى مش واخدين بالنا...

لا والاكتر من كده ان يدينا النعمة... ونعصيه بيها سبحان الله علينا ..وعلى صبره وحلمه بينا.....

اديك مثال ..تخيل البنت مثلا اللى ربنا منعم عليها بالجمال ..نعمة ..ونعمة كبيرة....مش تستر نفسها بقى وتشكر ربنا ع النعمة دى بالحفاظ عليها وصيانة نفسها...لا ليه تطيع ربنا؟؟..

دى بتبارز ربنا بالنعمة بتاعته..تخرج وتتبرج وتكلم شباب وتغويهم..كارثة ..كارثة والله...منتهى الجحود..

ولا تخيل الشاب الللى ربنا انعم عليه وبقى عنده سيارة ..وهو شايف قد ايه الناس بتتعب عشان تروح بيوتها فى المواصلات...

شكر النعمة بتاعته..ان السيارة دى طول النهار طالع منها الاغانى..وبالليل مليانة بنات والعياذ بالله..

ولا حول ولا قوة الا بالله..
سبحانك على حلمك بينا يارب...سبحانك على صبرك ياحبيبى..

قلبى بيتقطع لما افتكر سترك عليا..والعيوب بتاعتنا اللى داريتها عن الناس..

انت شايف وهوبيقول على الناس اللى بتذكره ..انهم اهل مجالسته..يعنى وانت بتذكر ربناكده تخيل انه سامع حديثك وبيرد عليك..

بس فين بقى ياحبيب قلبى ...فوق ...فووووق ...مش عندنا فى الملا الاعلى عنده...يااااا

...ولا لا وكمان وهوويقول سبحانه ..ان اهل الطاعة هما احبابه اللى بيحبهم واهل محبته..ياسلااام..وانت مش واخد بالك من كلمة اهل دى ولا ايه؟؟...

مش حاسس لسه بالشرف ده...
ياعينى ياغلبان..

انت لسه مبكيتش ...لسه قلبك ماتفطرش

انت متخيل مين اللى بيكلمك...انت متخيل مين اللى بيتحايل عليك عشان ترجعله...

شوف.. اسمع وهو بيقول على اللى بيعصوه مبيبعدهمش ابدا من رحمته..ده الرحيم يااخوانا ..ده الحليم..ده الله...

مش كده وبس ده انت لو تبت حيبقى حبيبك ..اسمع يابنى ياحبيبى...خد بالك بس...افهم كويس بلاش كروتة..حبيبهم يعنى هو اللى حبيبك ..مش بيقول انت اللى بتحبه...

هو طبيبك اللى عارف ايه اللى بيريحك..عارف راحة قلبك فين..عارف سعادتك فين..عارف ايه اللى ينفعك...
تابع.

اوعى حبايبى نبعد عنه...اوعوا نخون ربنا ..

اوعى نخون ربنا ياجماعة...

اوعى يااختى تخونى ربنا...

اختى اللى بقالها خمس سنين فى قصة حب ..ارجعى بقى..هو ده حبيبك...

حبيبة قلبى الانسة الصغيرة بنتى.. بنتى الصغيرة اللى لسه داخله اعدادى ..اوعى
اوعى تخونى ربنا...حبيبنا بيغير عليكى ومش عيز يشوفك كده...

اخويا الشاب الجميل الراجل...اوعى ياحبيبى ..اوعى تفكرها رجولة وتمشى ورا دماغك ده ربنا غالى عندنا اوى....

ياسلام على ربنا لما بيقول انه لما بيديك شوية ابتلاء كده..بيبقى عايزك... بيفكرك...بيقولك اعرف ان ليك رب تناديه.. اعرف ان ماليكش غيره..مش عايزك تبعد عنه..مش عايز ترجعله بقى!! ..انتى ايه؟؟...

ده بيقولك لو رجعت بس .لوفكرت ..حياخدك من اول ماتفكر ..

اسمع تلقيته دى...

يعنى كانك تاااايه ..مش لاقى اللى ياخد بايدك...حيشدك ليه....حتترمى فى حضن طاعته..بس جرب وفوق...فكر بس وشوف ايه اللى حيحصل...

تابع...

لا وكمان لواعرضت ومشيت وسيبت طريقه...حيفضل كل شوية يبعتلك فى رسايل ويقولك ارجع..بينادى عليك من قريب ..عايزك تفوق....بيقولك حتروح فين..فين انت ليك مين
غيرى...

ابوس ايدك حبه...ابوس ايدك ارجع وتوب...

احنا مش ضامنين يااخواتى..

شوف بيحببك فى طاعته ازاى!! بيقولك لو عملت حسنة ..حتبقى عشرة ..لا وبيزود كمان..والسيئة تكتب بواحدة وبيشيلها...ياااا ..بيقولك بس استغفرنى..قول يارب سامحنى ..وانا اشيل عنك كل حاجة...

بذمتك مش مكسوف من نفسك...بذمتك مش كفاية كده بقى...

حنفضل تايهين لحد امتى يااجماعة...حنفضل مش عارفين طريقنا لحد امتى..

انت لسه عندك وقت فى حياتك تعيشه لغير ربنا ..

لسه فى دقة جوة قلبك حتبقى لحد غيره..

لسه قلبك ماسابكش وطااار على اللى خلقه..

حننضف امتى من الذنوب يااخواتى ...حنفوق امتى ونعرف قيمة الله سبحانه وتعالى...

انا عيزك دلوقت ..ايوة دلوقت يااخى ويااختى ..قبل ماتطلع من هنا ..تعلنها صريحة...

تبت اليك ياااارب...

تبت اليك يااارب...

تبت اليك يااارب..

رجعلك ياسيدى ..ماليش غيرك...مسيبنيش...

وشوف رد ربنا حيبقى ايه...شوف كرمه معاك حيبقى ازاى...

يارب ربنا يكون من علينا بدمعة من خشيته واحنا بنقرا دلوقت تكون شفيع لينا ودليل توبتنا اليه..

معلش عيزك تستحملنى ..المشاعر اخدتنى والله..

ياريت ياجماعة نرجع لربنا ونستغفره..

وياريت لو الموضوع اثر فيك تسيبلى رد او تدعيلى دعوة..

شكرا ليكم على وصولكم لنهاية الموضوع ومزهقتوش من كلامى..

جزاكم الله خير ..وربنا يحبكم...
منقووول

كل الشكر اسرار على الموضوع
وجزاك الله كل الخير
تحياتي

زائر

يسلمووو اسراروو على الموضوع الرائع
تقبلي مروري

اكيد قلبي بدو يدق بعد هلكلام
شكرا اسرار العيون على الموضوع والكلام الجميل
سلمت يداكي
تقبلي مروري

الحب المستحيل ماهر فيفيان

يسلمو كتير على مروركم العطر

انرتم متصفحي بتواجدكم

تحياتي

كل الشكر اسرار على روعة طرحك
جزاك الله الف خير
وبارك الله فيكي
لك حبي
تحياتي

تسلميلي حبيبه البي فروشه

جزانا واياكي الخير ان شاء الله

تحياتي

جزاكي الله كل خير اسراروو
كل الشكر تحياتي

جزاكي الله كل الخير على ما طرحتي
ربي يعطيكي العافية
تقبلي مروري

نجمه.......زجوهر

يسلمو على مروركم العطر

كل الود

يسلمو حبيبة البي اسرار على موضوعك المميز

:جزاك:
تحياتي

جزاك الله الخي غاليتي
تحياتي

جزاك الله كل الخير

وبارك فيك وفي عملك

وجعله في ميزان حسناتك

كل التقدير والاحترام لشخصك الرائع

تحياتي

::

يسلمو على المرور العطر

انرتم متصفحي

تحياتي

» 10 اخطاء يرتكبها الشباب( من فضلك راجع نفسك )
» أجمل الكلام
» من أطيب الكلام ،،
» من ارقى الكلام
» احبك قبل الكلام