نلقاها اني غاوي ولكن كامي

نالقاها اني غاوي



نالقــــاها إنــــي غـاوي ولكـــن كــامـي.............وصابر وتـــارك للكريــم اقســـــــامي
نــــالقــــاهــا إنـــــي حبـــيــــتــه.............الغالي اللي عهدي نظيف عطيــــــــــته
وحتى انكان لــي اسنـين مـــا حقيــــته............مازلت ما ننســى اعيون الـــــــــــدامي
ومازلــــت نرجــا فـيه رغــم خطيــــته..............وانزيد فالرجا نرجـا اقســام غـــــرامي
تباعــــد علـــي اللــي انــريـد دنيـــــته.............وهو رمته من قبل بين ارمــــــامــــــي
اويــن ما تبــاعــــد غاب ماعـد ريــته...........وليف خاطري رقق علي عـــــزامــــي
وجفـــو الحبيـــبه عالحبــيب القيــــته................باب نقص ما ايجيبه اعتاب مــــلامــي
خطـــرهــا الا غيـــبت اللي غاليــــــته.............هاللي كل يوم ايزورني ف أحــــلامــي
................نالقــــاهـــا انــــي غــــاوي............
نالقــــاهـا انـي غــاوي وتــــارك للّه.............قسمـــــــي ورزقـــي والعــلل هـو كــلّه
وصابر ابرغـم الصبر مـر لعـــــــــلّه............ايجي القسم في ريدي ابشرع اســلامي
ويـزول الكــــدر كلّـه ايحـل محــــــلّه..............الخير والـزها والفــرح طـول أيـــامــي
وماعــد عليـه تنكـتـب شــي ضـــــلّه.............وفي درب صالح سايرات اقـــدامــــــي
الاّ مقصــــدي يـــا بـوغثـيـث إدلّــــه............عليك انت ما ينقص ايزيد كـــلامــــــي
سيطـــر علـي عقـلي غـلاك إحـتـــلّه...........وإبقي تحت قواتك ايطيع الــــــزامـــي
ياللي لك جبيـن ابيـض وخد اسمـــلّه............علي حالتي منهن ايغيـــب منــــامــــي
نالقاها انّـا منكـم انــريــــدوا طـــــلّه..........كل يــوم في صيـــفة عمـل نِضـــامــي
لاجــــل بـــلاكــــم حــالـتي منغـــــلّه...........اوما نفـرح الا بوجـــودكم قـــــدامـــي




الشاعر: سعد اكنيش الفاخري .