نورس
*********
المشاركات : 30951
العمـر : 94
تعاليق : مؤسس منتدى النورس
المزاج : 
الدولة : 
المهنة : 
الهواية : 
التسجيل : 09/10/2008
النقاط : 39243
التقييم : 1559
 
 |  موضوع: قصيدة ليبيا ماكس للكاديكي والماسة الخميس يناير 12, 2012 11:34 am | |
| يقول الشاعر مجدي الكاديكي :
معاي ثقيــــــل ..
مثيلا مثيل الواي فـــ التحميل .. متغير علي غالــي
كان ايهبــــــل ..
اللي قبل ماعــــــمرا زهــــــــــورا ذبـــــــــــــل
يجري وراي ودوم فيــــــــــــــــــا امكبـــــــــــل
وان ملت ياخوتي معـــــــــــــــــــاي يميــــــــل
واليوم يسبــــــــل علـــــــــــــــي يسبــــــــل
مجروح منا خاطـــــــــري العليـــــــــــــــــــــل
نلقاني تميت غـــــــــــير انطبـــــــــــــــــــل
في جرته هلي نـــــــــــــوى الرحيـــــــــــــل
معاي ثقيل .. مثيلا مثيل الواي ف التحميل .. متغير علي غالي ..
كان ايجينــــــــي ..
يجري بســـــرعه ويــــــن ما يلاقينـــــــي
جايب اشواق وبيه تزهى عينــــــــــــــــــي
ونا في غلايــــــا امـــــــــدللا تدليــــــــــــل
نا نقولها يحرم علــــــــــيا دينـــــــــــــــــي
كني نويـــــــت انبـــــــــــدلا تبديـــــــــــل
بالله قولـــــــــــــولا اللــــــــي جافينـــــــي
نا في غلاه احتــــــــرت فــــ التحليــــــــــل
معاي ثقيل .. مثيلا مثيل الواي ف التحميل .. متغير غالي ..
Almasa قالـــت الشاعرة
كان قريـــــب ..
كان ونستي فــ الكـــــــون دوم احبيــــــب
لاناسي سريبه ولا سريبــــــي ســـــــيب
عشقنا بعضنا نيـــــــن فات الكيــــــــــل
كيف ياغلاي اليـــــــوم ليش مريــــــــب
وبعدك علــــــيا نــــــــــار هد الحيـــــــل
زاد يامناي الهــــــــــجر ليش امغيـــــــب
اقليبي بلاك ايصيـــــــف ذاقــــ الويــــــــل
معي ثقيل .. مثيلا مثيل الواي ف التحميل .. متغير علي غالي ..
كان وديـــــدي ..
من بين الخلق والناس درته ريـــــــــــدي
واليوم جرحي تاق زاد غريــــــــــــــــدي
باقي وراه نمــــــوج كـــــي الضليـــــــل
ناره رقت ع الجوف نار صهيــــــــــــدي
بعبره عليه تنـــــــوح دمعي سيـــــــل
رافع ايدي طالــــــــب الله ياســــــيدي
تزها بغاليـــــــــــها بعــــــد تمطيــــــل
رد الشاعر نعيم الزوي
كان غلاى
كان متصـــل ديمـــا حنـــون معـــــاى
حتـــى انصـــار اخــلاف يبقى احذاى
ينشــد ومـــا يزعـــل علـى ايشيـــل
كان الغـــــلا والفـــــرح كــان هنـــاى
كان الــــدواء للــدمـــع وين ايسيـــل
كان راحتــى كـــان شمعتى وبكـــاى
كان شـــى نادر مـــا معــــاه بــديــل
كان دمعتى كان شمس فوق سمـاى
كان حلــــم زاهـــى وللطــريــق دليل
كان ود ســاكــن فى حــــدود وطـاى
كان صاحبـــى وعمـــرى وكـان خليل
لكن اخســــاره ضـــــاع مــــن يالاى
بعـــد الغــــلا ألقيتـــه وفــــاه قليـل
وبان فــى النهايه يا اصحــــاب امناى
شيطان فى صــــورة مــــلاك جميل
رد الشاعـــــــــــرة منـــــــــــال((منال القابسي))
كنت الغايــــــــــة
يا عشق روحـــــــــي يا نواة امناية
يا نبض قلبي يافرحي وكل رجاية
يادنيتي ما انبدلك تبديــــــــــــــــل
كنت رفيقي
وكنت الونس في وحدتي وفي ضيقي
شينة بلاك اليوم لون طريقي
انريد شوفتك واقبل علي جميـــــــــــل
كنت ارضـــــــــــــاها
طول اغيابك كادها شقاها
من بين كل الناس دنيتي تسواها
انريد من عطفك امغير قليل
امعاي ثقيل
مثيلا مثيل الواي فـــ التحميل .. متغير علي غالــي | |
|
زهرة على جبين القمر
*********
المشاركات : 18362
العمـر : 31
المزاج : 
الدولة :
التسجيل : 25/11/2011
النقاط : 27035
التقييم : 1183
| | موضوع: رد: قصيدة ليبيا ماكس للكاديكي والماسة الخميس يناير 12, 2012 1:50 pm | |
|
ملحمة شعرية مميزة
كل الشكر لانتقائك النورس
ودي
| |
|
طرابلسية حرة
**
المشاركات : 170
العمـر : 34
المزاج : 
الدولة : 
المهنة : 
الهواية : 
التسجيل : 09/11/2011
النقاط : 224
التقييم : 10
الله اكبر ليبيا حرة والحمد لله
| | موضوع: رد: قصيدة ليبيا ماكس للكاديكي والماسة الخميس يناير 12, 2012 2:05 pm | |
| هههههههههههههه
هو حق الواي ماكس بدي بطيء هلبة في النت
صحيت ياخوي على القصيده | |
|
