سألتها لو

سألتها: لو حبيت غيرك وش تقولين..؟!
فجأه: تغير صوتها وخيــم سكون

صمتها كان ينطق حــزن وأنيـــن
وعرفت إنها تحبني لحد الجنــون

ردت وقالت بصـــوت حــزيــــــن
يا تــرى ممكن لغيــــري تكــون

حزن همسها قسم قلبي نصفين
وحبست عبــراتي وسط الجفــون

مهـــما حبـــست عبـــراتي لازم تبيـــن
ومهما أخفيت شوقي تفضحني الشجون

يا بنت حبــكم ما تمحيه السنين
وقدركم شلته معي فوق المتون

حبيبتـــي لأنفــاسك بصــدري حنين
أنت الوحيده بحياتي ولا غيرك عيون

حياتي من أسمعك وأنت تضحكين
أسافــر مع خيالي فوق المــــزون

خذي كلام قلبي والعين في العيـــن
وأنا بصدقي بقضي على كل الظنون

يا بعد كلي خذي كل اللي تبيـــن
يفداك العمر والجرح وكل الطعون

أمــــــانه لايجي يوم تنسيــــن وتجـــافين
لأني ببساطه تعودت على هالصدر الحنون