تفداااااك عيني ومالي يارسول الله

في ساعتن فيها طفح كيل الأحداث = وتقسم الهاجوس ثلاثة أثلاث
ثلث قضى نحبه وضمته الأجداث = وثلثين ثلث صادق وثلث كذاب
أعلنت للركب المهيب إنضمامي = وكرست به جهدي وجل إهتمامي
والدين تاجي والشريعه إمامي = والصدق حبل للتوت روس الأشناب
بعض الهواجيس إتضاعف به الأجر = وسنه على المسلم مثل سنة الفجر
والوصل عند الناس ما هو كما الهجر = والحق خيمه والبراهين الأطناب
ومدح الرسول المصطفى شي مفروض = جارالنسم والنجم نشرب من الحوض
وليا كتبنا بأطهر الخلق معروض = يالله على بابك يا فتاح الأبواب

صلى الله وسلم على أهله وآله = خاتم رسل ربه ومهد الرساله

وحنا ليا جاب الحديث بمجاله = نفخر ونلبس له من العز جلباب
ولد بمكه في سنة وقعة الفيل = تسعه ربيع أول وعشرين إبريل
ونار المجوس اللي سنة تالي الليل = هبت عليها الريح مشهاب مشهاب
وأقبل شعاع النور في يوم الإثنين = مع مولد المعروف بإبن أذنب حين
وإيوان كسرى طاح مره وثنتين = وتعدمت كنايس أصحاب الأرباب
الأب عبدالله أبا الجد هاشم = اللي بوقت الحج للخبز هاشم
وقريش سيف بهكالوقت خاشم = وعلى النسب مذكور في علم الأنساب
رسولنا لا هو شاعر ولا هو بمارد = وأسمه قبل عند العرب غير وارد
سماه عبدالمطلب بإسم شارد = ودخل به الكعبه وشرع له الباب
لأن أبا محمد فوق ريمه = وأبنه لازال في طور كيس المشيمه
قد مات ما بين الجبل والخريمه = ودفن في دار النابغه ذلك الشاب
وخلا دموع في عيون آمنه وهب = أم الرسول اللي دحر كيد أبو لهب
تنهب بياض خدودها الطاهر نهب = وتجري على مفرق نحرها وتنساب

ورضع ثوبه فالمهد عدة أيام = وجده بحث عن مرضعه تسكن خيام
حسب العواد فالعرب قبل الإسلام = لجل اللسان يطول وتشد الأعصاب
وجن المراضع من بني سعد للبيت = ياطن صخر البازلت والجرانيت
وقالن أبا الطفل القريشي هذا ميت = وظنت حليمه فيه والظن ما خاب
ومعها بقى حتى بلغ عمره الخمس = ولأمه رجع والمرضعه بالها عمس
وبعد سنه يا مشبه اليوم بالأمس = الأم ماتت والزمن عارض الشاب
وعاش سنتين ونحو سبعين ليله = مع جده اللي ما يخلي سبيله
وقبل يتوفاه حط عمه كفيله = والعم أبو طالب كسب فيه الإعجاب
يقدمه عنوه على العام والخاص = ويحمي شفيع الخلق من كل قناص
وروسلنا بادل مع العم بالإخلاص = ودعاه لدين الحنيفي ولا تاب
ورعى الغنم ثم طق باب التجاره = وحقق هدفها وأعتلى فالصداره
وأسدل على الحب العفيف الستاره = وأخذ خديجه وأكثرت منه الإنجاب
القاسم وزينب ولا فالضنا توم = وبعد رقيه فاطمه وأم كلثوم
وعبدالله اللي عاش طاهر ومعصوم = وعاشن بناته وأسلمن والسمر طاب
ومات الرسول وقد نكح تسع زوجات = وخمس وحدى الزوجات جابت ولد مات

t.

وهذي خصوصيات لا سنة إثبات = ما تشمل عموم البشر يا أهل الألباب
ونزل عليه الوحي جبريل فالغار = وداخل حرا جاه الملك عدة أمرار
وشده وضمه ضمتن دمها حار = ويمة خديجه راح خايف ومرتاب
وبالسر بالدعوه دعى من يثق فيه = وأخذ ثلاث سنين والشوق يدعيه
وعلى الصفا جاه أمر من عند واليه = إصدع بما تؤمر وغامر ولا هاب
ولاقى الرسول السخريه والظلايم = والضحك والتكذيب وسط الولايم
وبث الدعايه وإضطهاد وشتايم = وصبر رسول الله على كيد الإرهاب
والمشركين بعتمة الليل قاموا = وعلى المحل اللي رقد فيه حاموا
يبون قتله مير خسروا وهاموا = وحط الرسول ابروسهم حفنة تراب
وهاجر ونوخ ناقته في جبل ثور = وابن قحافه هب للغار مذعور
وسدد شقوق الغار والغار محضور = وهلت دموعه والسبب قرصة الداب
في غار لكن فيه حصون مكينه = اثنين ثلاثهم منجي السفينه
وساقوا ركايبهم يبون المدينه = وعادة رجال قريش تفتل بالأشناب
وحطوا لها الأنصار شاطي ومينا = على ثرا قاعن مثل قاع سينا
وغنوا طلع بدر الليالي علينا = وأول عمل سواه مسجد ومحراب
وتوالت الأحداث في كل ساعه = على الوديع المؤتمن والوداعه
وراجت بعد جهد جهيد البضاعه = والدين جاء له ضرس تكسير وانياب
ونسج رسول الله كذا خيط غزوه = وهلل وحط الدين فالحرب عزوه
ومن بعد كان الشرك به زود نزوه = حط الرسول بهامة الشرك منساب

عدة غزوات روتها التواريخ = بالسيف لا بالقنبله والصواريخ
نصر للإسلام وللأعداء توبيخ = وعلى سبيل الأمثله غزو الأحزاب
وظل الكفاح يزيد عشرين عاما = والشرك كفل والدين قام يتناما
وهل المطر وأنبتت زهور الخزاما = وهب النسيم وشمته كل الأقطاب
ونوى الرسول يضم عمره بحجه = وآخر سنة عشره لمكه توجه
وحج ولا عاد لساير الناس حجه = الدين تم وتمة حروف بكتاب
وعاد الرسول من المناسك لطيبه = وجاه المرض من دون شكه وريبه
وتوفي ابيته وصارت مصيبه = وصار الخبر في شك والصدق ما غاب
اثنى عشر ربيع الأول ضحى إثنين = ويوم الثلاثاء والجسد داخل الطين
وعمر النبي فوق الثلاثه وستين = بأربع ليالي كأنهن ريشة غراب

حاميه رب الكون في حصن وأبراج = ومسيره ربه على خير منهاج
ومكلفن فيه الإسراء والمعراج = ولا بين أمين السر والخالق حجاب
وحسب المصادر والمراجع والأرشيف = لمحمد الهادي طبوع وتواصيف
منقوله عبر النبأ والسواليف = والبعض نذكرها بشي من الإسهاب
طويل زند الرجل والجسم مربوع = وليا مشى يمشي ولا هو بمتبوع
وكأن القمر في صفحة الوجه مطبوع = والخاتم اللي بين الأكتاف جذاب
أفلج ثنايا والحواجب نقاويس = ما تقترن والعين عين القرانيس
وكثيف دقن وضخم راس وكراديس = وأسود شعر وأخمص قدم واضف الأهداب
قوله بليغ وفي لسانه فصاحه = وخلقه عظيم وراحته خير راحه
وأكثر حياء الناس وأطيب سماحه = وأشجع من المصدوم ليا قص الأرقاب
وأعدل البشر وأعف وأصدق أهل الكون = وبالعهد وافي ومتواضع ومامون
وفصل الكلام ولا تكلم على الهون = ولين جناب وتجتمع فيه الأهداب
نفديه بالأرواح والآهل والإبن = ونكره على شانه بلد صانع الجبن
راع الكذب والبخل والجبن = اللي يحط العقد وينكس الكاب
ويالله ياللي كل دعواتنا نحرك = سلط على النرويج وأهل الدينمرك
وأجعل كبار رجالهم فأسفل الرك = وشتت جموع أسلافهم وسط الأشعاب
وصلي عدد خلقك على نسل عدنان = وأرضى اللهم عن رجال لهم شان
علي وأبو بكر وعمر وابن عفان = واللي تبع منهاجهم حضر وأعراب
[/size]

.

************************

تنسيقي

وتجميعي
انشالله يعجبكم
*******************

صلو على اشرف الخلق
محمد
صلى الله عليه وسيم

[size=24]

http://www.4shared.com/audio/GGG3GSdg/____.htm

صلى الله عليه وسلم

مــآ شاء الله

حيــآكِ الله أخت عــآشقة

وبورك مسعــآك

[quote="النورس"][color=indigo][center]صلى الله عليه وسلم

مــآ شاء الله

حيــآكِ الله أخت عــآشقة

وبورك مسعــآك

[b]كل الشكر لرقي مرورك نورس