الفرق بين الام الهاي والام الهديك

هذه المقارنة نبين لكم كيف توصي الأم الهاي فاي ولدها قبل الذهاب الى المدرسة وبالمقابل شوفو الأم هديك شو بتقول لأبنها

الأم هاي: لا تنسى مامي تاكل الكورواسو في البريك

الأم هديك: يمه... صندويشة الزعتر بالكيس اوعه يلطشوها منك
الأم هاي: خليك عالرسيف لبين ما ييجي الباس واوعا من هدول اللي بيشحتو

الأم هديك: بتروح عالمدرسة دوز دوغري ويا ويلك اذا بعرف انك شلفت اليوم

هاي: زي ما وسيتك ابعد عن الشلة النوتي اللي بتاكل السندويتش تبعك

هديك: أوعى الاقيك ظارب الولاد زي امبارح هي معك شلن اشتري اللي بدك اياه وبلاش تاكل صندويشات صحابك غصبة عنهم

هاي: مامي دونت فورجيت (don't forget) لما ترجع ما رح تلافيني في البيت عندي جيم متأخر اليوم خلي الشغالة تسخنلك البرغر

هديك: بترجع من المدرسة عالدار على طول وبلاش صرمحة بالشوارع تراني عاملتلك صحن مجدرة من الآخر

هاي: على فكرة المس كتير زعلانه منك وبعتتلي مسج انك صاير نوتي في الصف

هديك: ولا... ابوك بقول انه الاساتذة بشدوا شعرهم منك.. دير بالك وبلاش تزعلهم ما اسمهم الا بني آدمين زينا

هاي: مامي لما تروح لا تقتع الشارع واستنى بابي لما يوصل

هديك: لما تقطع الشوارع لا تمشي زي الملطوش مش ناقصين مصايب بيكفي السنة الماظية اندعست عشر مرات

هاي: على فكرة انا كتير كتير upset منك قالوالي شافوا بالهاند باغ تبعك سجاير

هديك: قال بتحمل موس بشنطتك يا واطي... ولك خليك عالشفرة وهيها مستورة

هاي: قول لسحابك ميمي وتوتو ييجوا على عيد ميلاد اختك نانا

هديك: قول لصحابك عمر واسماعين ييجوا يتضلغصوا عنا بكرة حرام امهم ما بتعرف تعمل كرشات زينا

هاي: مامي خليك كلاس مع المس تبعك ولو دليت هيك بجبلك موبايل جديد

هديك: اذا رجع هاظا الاستاذ وظربك بالعصاي لا تحكي معه واتركني اروح اتفاهم معه هو مفكرنا لاقينك بالشارع

هاي: كتبت شيك لاستاز اللانجلش والعربي والرياده وخليته مع الشغاله لما ييجوا اعتيهم اياه... اففففف تاخرت عالجوكينغ عاجبك هيك هلأ سوسو بتدايأ

هديك: الاستاذ اللي قالكو انه ممكن يعطيكوا دروس خصوصي قول له روح لاقي امي بكرة بالوزارة يا شاطر