يا ناس يا عسل الضحك وصل

عايز تنرفز
نفسك؟ يبقى اقرا شوية النكت الرخمة دى،عايز تعصب نفسك؟ يبقى كملها
للآخر،عايز تتضايق بقى اوى وتفكر
انك تنتحر؟ يبقى رد على الموضوع وقول لى
رايك فيه.

4مجرمين راحوا فرح،الاول نقط بخمسة
جنيه وضرب طلقةرصاص، التانى نقط بعشرة جنيه وضرب طلقتين،التالت نقط
بخمستاشر جنيه وضرب 3طلقات،الراجل الكبير بتاعهم عايز يعمل منظر بقى راح
منقط بميت جنيه ورمى قنبلة.

ايه الفرق بين موس الحلاقة والاسبوع والصحراء؟
الاسبوع فيه حد،موس الحلاقة فيه حدين،الصحراء مفيهاش حد خالص.

واحد احول راح يجيب ابوه من المطار،باس الشنطة وشال ابوه.
واحد غبى فتح مصنع كولا كتب على كل علبة رج جيدا قبل الفتح.

واحد غبى ماسك قنبلة وعمال يحدفها من
اليد دى للايد دى،قابله

واحد تانى قال له:يخرب بيتك ولما تنفجر فى
وشك،قاله:متخفش معايا واحدة تانية.

الاول:حلمت امبارح انى سافرت باريس،التانى:انا حلمت امبارح
انى اتجوزت وعملت فرح كبييييييييير وجميل اوى،الاول:طيب وليه
معزمتنيش؟،التانى:ماانت كنت مسافر.

واحد فشار قال لصاحبه:انا عندى عربية لما انادى عليها تجيلى،صديقه:وانا عندى عربية لما البنزين يخلص تقول امبووووو.

ليه الصعيدى بياخد الدواء قبل ميعاده؟ عشان يفاجئ الجراثيم.

الاول:قرات كثيرا عن اضرار التدخين،التانى:وناوى تعمل ايه؟،الاول:هبطل اقرا تانى.

المدرس:ماذا فعل كولمبس بعد ان وضع قدمه على ارض امريكا؟،الطالب:حط رجله التانية.

الاول:انت رحت لدكتور العيون
ليه؟،التانى:كنت بشتكى من انى بشوف بقع سودة قدام عينى،الاول:وازى حالك
دلوقتى؟،التانى:الحمد لله الدكتور اللى رحتله ده ممتاز انا بقيت اشوف البقع
اكثر وضوحا.

غنى عنده كلب وعنده واحد شغال اسمه
عثمان،وهو خارج الصبح لقى عثمان بيغسل الكلب،الباشا قال له :حرام عليك
الكلب هيموت،خرج ورجع لقى الكلب مات،قال لعثمان:انا مش قلت لك ان الكلب
هيموت من الغسيل،قال له:لا والله ما متش من الغسيل ده مات وانا بعصره.

الزوجة:قوم يا حبيبى انا سامعة صوت
حرامى فى البيت،الزوج:حرام عليكى خلينى انام الحرامى مبيطلعش صوت لما
بيسرق،وفى اليوم التالى،الزوجة:قوم يا راجل مفيش صوت فى البيت اكيد فيه
حرامى.

عريس وعروسة فى يوم الفرح وهما
داخلين القاعة وماسكين ايدين بعض،فجاة العروسة سابت ايده وهى بتجرى،قال
لها:مالك بتجرى ليه؟،قالت له:بسرعة بسرعة عشان نلحق مكان.

واحد قرصه تعبان قعد يضحك وهو باصص للتعبان،وقال له:هاهاهاى انا عندى الايدز.

القاضى:حكمت المحكمة عليك بسنة مع الشغل،المتهم:شكرا يا سيدى فانا عاطل منذ سنتين.

ناظر مدرسة اتجوز قعد المعازيم بارقام جلوس.

الاول:زمان كانت الستات بتجرى ورايا،التانى:طيب ودلوقتى؟،التانى:لاه ما خلاص ربنا تاب عليا من سرقة الشنط.

واحد متدلع اوى دخل الجيش،ساله القائد:تعمل ايه لو قابلت العدو؟،قال:ارمى السلاح فى وشه واقول له:انا بكرهك
بكرهك بكرهك

طائر فى الجو بيقول ميااااااااااااااو؟ قط مضروب شلوت.

ارادت سيدة ان تزور بعض اقاربها بس
كان بياع الخبز متعود يجبلها العيش كل يوم الصبح فحطت على باب الشقة
عبارة(لا احد هنا لا تترك شيئا)ولما عادت السيدة لقت ورقة مكتوب فيها(شكرا
لكى عملنا بالنصيحة ولم نترك شيئا بالشقة....امضاء:اللصوص)

كلب ماشى بيقول مياو مياو ليه؟ فاقد الذاكرة.

غسالة مش عايزة تشتغل ليه؟ عايزة تكمل دراستها الاول.

فرخة معلقة فى العشة صورة بيضة ليه؟ صورتها وهى صغيرة.

نقطة زرقاء على حائط ابيض تبقى ايه؟ نملة لابسة جينز.

واحد مؤدب جدا راح المستشفى عشان يعمل عملية فى ودنه ليه؟ عشان يشيل الطبلة.

ههههههههههههههههههههههههههههههههه

حلوين كتير

الله يديم الفرح عليك أخي

كل الشكر

ههههههههههههههههههههههههههههههههههههههههههههههههههههههه
هههههههههههههههههههههههه
بجد
روووووووووووعة
متت ضحك
يسلمووووووووووووووووووووووووووو

ههههههه

يسلموووو :)

ههههههههههههههههههههههههههههه

حلوييييييييييييييييييييييين

هههههههههههههههههههههآآي

يسلمو فقد استمتعت بقرآءة النكتتَ

ودي ..~

» نكت تموت من الضحك......
» (((****صور قطط وتعليقات تفطس من الضحك***)))ههههههههههههههههههههههه
» بتموتوا من الضحك
» امراض يشفيها الضحك...
» شوف الصورة وافرط من الضحك