حماصنة
حمصي اشترى موبايل فحب يفاجيء مرتوالحمصية قام دخل عالحمام واتصل فيها
مرحبا حبيبتي ... قالتلو: وطي صوتك جوزي الأهبل بالحمام
قررت دمشق وحمص وحماه يبنوا جسر بين المحافظات التلاتة فكان على حمص مهمة الحديد وعلى دمشق الاسمنت وعلى حماه البلوك وبعد اسبوع من بناء الجسر انهار.. قالوا أهل الشام: يا خسارة راحوا الاسمنتات .. وقالوا أهل حماه : يا خسارة راحوا البلوكات .. أهل حمص قالوا : كويس يلي ما حطينا الحديدات كانوا راحوا هني كمان
في واحد حمصي (ذكي شوي) قرر يلتحق بالحرس الجمهوري وبعد فترة صار من أحسن ضباط .. قرر رئيسو يبعتو عالمطار مشان يستقبل وفد صيني ...... وبلش يشرحلو شو بدو يساوي بالاستقبال ويقللو: بس ينزل رئيس الوفد بتحط المدفع وبتضرب ضربات قام قللو الحمصي: سيدي إذا صبتو من أول ضربة كمل الباقي؟؟؟
إخترع بعض العلماء جهاز لكشف الكذب قاموا وضعوا عليه الأميركي وسألوه : ما هو أخر إختراع سوف تخترعونه ؟ جاوب : نحنا عم نفكر نخترع صاروخ يوصلنا لأبعد المجرات...زمر الجهاز لانو عم يكذب.... فوضعوا رجل ياباني على الجهاز وسألوه نفس السؤال قام جاوب : نحنا عم نفكر نخترع موبايل يخلينا نحكي مع اهل المريخ .. زمر الجهاز..
أخيرا وضعوا الحمصي وسألوه نفس السؤال .. قال : نحنا عم نفكر ... زمر الجهاز.
مرة واحد حمصي وصل لسؤال المليون ... وكان السؤال (اكمل المثل التالي: عصفور باليد ولا 10 على ال...) ؟؟ الاحتمالات كانت
1: الخوخة
2: الزيتونة
3: الشجرة
4: البركة
ففكر شوية وقال : انا بدي انسحب !! فقلوا جورج : لا يا رجل السؤال سهل ما تنسحب .. لكن الحمصي أصرعالإنسحاب .. وجورج يحاول اقناعو .. وبعد فترة غضب الرجل وقال لجورج : انا بدي انسحب وهادا قرار نهائي ... لانو عصفور بالإيد ولا 10 عالشجرة .
سقطت طيارة بمقبرة تل النصر (مقبرة في حمص)... فاستخرج المنقذون اكثر من 3452
جثة...... و مازال انتشال الجثث مستمراً
كان في واحد حمصي ماشي بحمص شاف طابور طويل فاستغرب ! قام سأل آخر واحد بالطابور ليش واقف عالدور ؟ قللو ما بعرف شفت يللي قدامي واقف قمت وقفت وراه فسأل يللي قدامو قام جاوبو نفس الجواب وهييييييك لحتى وصل لعند أول واحد و سألو نفس السؤال ..قللو: والله أنا وقفت شوي حتى أربط شواطاتي قاموا صفوا الكل ورايي.... قللو: طيب مو ربطت شواطاتك و خلصت ليش ما بتروح ؟ جاوبو: ياحبيبي بدك ياني روح بعد ما صرت أول واحد بالدور؟
واحد حمصي راح ليحضر مباراة كرة قدم طول الوقت كان عم يتطلع عالزاوية العليا ! قام سألو رفيقو ليش عم تطلع لفوق .. قللو الحمصي وين كلمة مباشر؟
في واحد حمصي كان عم يدهن الباب قالتلو أمو لك يا ابني حط تحتك جريدة قام قلها معليش ماما ما في لزوم بوصل .
واحد حمصي وهوي ماشي شاف ناس عم يتسابقوا بالركض. سأل واحد واقف عم يتفرج: "شو القصة؟؟" قللو عم يتسابقوا والأول بياخود جايزة".. قام سألو الحمصي "طيب الباقيين ليش عم يركضوا؟؟"
حمصي اشتغل بالبنك الامريكي بعد خمس سنوات طلب الجنسيه.
حمصي رمى على حبيبتو
ورده قامت ماتت..!!! ليييييييش..!!؟؟ نسى يشيل الورده من المزهرية.
مرة تنين حماصنة ماشيين بالشارع شافوا قسيس الكنيسة عم يعرج ! سألوه : خير يا أبونا شوباك ؟؟ قللون: مبارحة زحطت بالبانيو! قالولوا له له له سلامتك ...... وودعوه ... إلا أنو الحمصي سأل رفيقو وهوي مستغرب : دخلك شو هادا البانيو؟؟ قام قللو : شو بيعرفني شايفني مسيحي؟؟؟
موضوع: جديد نكت سورية _حمص ههههههههههه 
