الله من قلبٍ محمل بالهموم

الله من قلبٍ محمل بالهموم
صابر ومن كثر الصبر شاف ويله
يالله يالي لغيرك الحال مايدوم
تصبر قلبي على همومه العليله
مشكي لغيرك دامني حي وأقوم
وأن زاد همي مارضا غيري يشيله
يالله بليت بقلب به الهم مردوم
يالله تفرج هم قلبي وتزيله
أكبر مصيبه تطيح من هم مهزوم
لا راح همٍ جاك غمٍ بديله
وش حيلة اللي صار بالهم ملزوم
يصبح يفكر فيه ويعاني بليله
يا وجد حاله وجد محكوم مظلوم
بري وماله أثبات يخلي سبيله
عناي بدنيا الشقى مقدر ومحتوم
من قلب صافح هم وأضحى خليله
اللي بنيته طاح في يوم مهدوم
وطاحة معه أحلام قريه وقبيله
سعادة العمر راحة أحطام معدوم
وكن الفرح أقفى وأعلان رحيله
سعادة العمر صارة أحلام في نوم
وصار الحزن عنوان قلبي ودليله
ما همني لو وقع الهم بختوم
على قليبي وزايد في هد حيله
ماني أسير الهم وأنا شيخ في قوم
وأنا على السلوان لي دبره وحيله
أفرح وأكرّم فرحي وهو ضيف معزوم
وأبهج بالفراح روحي لو هي قليله
وأحزن وأشيل الهم بالجوف مكتوم
لو هو ثقل حمله ضعف مأرتخيله
يالله بجو أفراح مكسي بالغيوم
يحيّ جفاف ألارض لا سال سيله
ويالله بليلٍ تزين سماه بالنجوم
وأنا مسامر شريك عمري وعديله
يقول عارف حبيبي وأنا قول معلوم
من وين ما يبغى أنا انجح وجيله
واللي فهمته فيه الغير مفهوم
اللي يمد الجمايل ترجعله الجميله
اللي قنع يعيش راضي بالمقسوم
تبقى قناعاته له أكبر فضيله