مسجات علم ليبي

الصبر حجة الزينين عليه يا العين كان تقدري
*
سلامي على لولاف نبت ربيع فيدي ليمنه
*
غلا عزيز كيف الغيم اللي بيه لوطان يرجعن
*
تنهاهن يديرن عزم يجيهن الليل ويذرفن
*
ثلاث هن دوا المريض ان جن يموت وان غابن بري
*
إينوس خاطري مهيوس من ياس ناس كانو له ونس.
*
عزيز وين ما خداه الدهر لقسام ياعلم عاودن
*
شكاع بارقه ما بات غلا جديد لافي خاطري
*
لقيته الياس حنون يبكي معاي حالي شاغله
*
اتركهن تنال جميل مالك سبب في ذنبهن
*
مليان غيظ بير العقل على عزيز ويسل في الخلا
*
خليتهن وهن يالاك وشهيت صوبهن وينما باعدن
*
مالك سعد يا عين عليك وين غلو باعدوا
*
بلا عزيز كيف بلاش حتى وهي مليانه بالعرب
*
جريح قابله مجروح شكو بكو لين انعمو
*
ع الصبر ما يلتام جرحه جديد مازال خاطري
*
اه من نار غلاك بعد القلب هي فيش طامعه
*
غلاك هو كتاب العين تقراه وين يضيق حالها
*
شدي عزايمك ياعين يفنا العمر يابال الغلا
*
مرزي العقل كامي داه من خوف يلقاك تنكره
*
اتقول في الغطا مكتوب يخطر عزيز ساعات نومها
*
حرام يا عزيز عليك سمار وانت في ليلك هني
*
دابلات كيف الغصن بعد عزيز هدا حالهن
*
بعد زمان زاهي فيك تميتي خلا يا ديارهم
*
حسبت خاطري عوام سهيت شالني سيل الغلا
*
ماهن خساره فيك لقدار يا عزيز أتقيمهن
*
وين ما الليل يجيها إتسيل فاقده غالي عزيز عليها ..العين باكيه


احب ان اوجه عنايتكم ان هده الغناوي ليست من تأليفي انما هي منقولة
خان غلاي وقسمي لطه** ***خنجر بين اضلوعي حطه


ياجياب نبا فرقاهم** **ياريتك عديت معاهم


يا جياب نبا الغوالي** : **ياريتك ما قلت الوالي


هداهدود الي خبرها *** **جاب نبا العزيز قهرها


عزيز اقسامه ريح خريف** **ايطلطن ماتعرفهن كيف


نا والعين شقانا زايد *** *ترقيع البايد بل البايد


عندي عل المرهون دلاله* **نغمزله قدام اعياله


يا مرهون مراتك نيه** **كيف انجيها تفرح بيا


الحوش الي قالو ما انجيه** **ما اندير اعويله الافيه

الخاطر جرحه ما داووه***********علي كل اسبيتار رموه
الخاطر طول الليل ايجض ****وهلنا يحسابوه مرض
الخاطر من قلة دبار*******يكبر في نار على نار

اللى جبنونة كى القمر *** علينا ياعينى خاطر
عيون اللى مربى ع الليد *** ايبوع واحى صيد بعيد
حشيشة عندى فيه طلال*** كشكا قاموه العقال
صباره عيني ما اسمحها----حتى كان عزيز جرحها
نهونى عقالي مابيت-----بروحي عا النار اداعيت
عينى سالت يوم خطاهم---- وانعميت ساعة فرقاهم
عزيز بعد ما دار خطاه----توازت بدري نا واياه
يا لانظار مسكته صيدي---فكنه لاقسام امنيدي
عندى عين اشكا ما تشكي ----لكن وين اترايف تبكي
من خونه لولاف او جاي----انخلط في نومى با ابكاي
ياعيني عا الدار حلفتي---لكن جروك وخالفتي
عندي في لوهام دسايس----كيف انجيهن نقعد حايس

دروجه بودور زناكيل *** صعب مايرقوهنش عويل
وين انقول خلاص ارتحنا *** يخطر زول اللى جارحنا
زولك خطر ناس اقدم **** زها ما لنا غير بهم
خديته ياكاحل لنضار *** جيت قبوله بالمنظار
كان على صوبى لايمتى *** ماعندى حاجة غير انت

كان خطر ماني قايل لك---ابكى نين اتفشي غلك
فوق ارموش العين مكانك -----بيدك خفيته ميزانك
الي ما قاس النار ايقول----امغير اصبر شده وتزول
سيل الياس خذاناسرقه----لا غيم لا شكع برقه

انت عينك عين اللى عين ***حدر شال الصيد بلتنين (( 2 ))

يابودبلج فيده لق *** حسه شق الخاطر شق

عينى كيف الثوب البايد*** تهفى ع اللولاف بزايد

كبيرة ياحناى الكف *** خروجك من قدام الصف

وكال العشبة الرهيفة *** جبتى واجد من توصيفه

قاضي الياس غلانا ضره*********حكم اعدام من اول مره
ما اتقولوش العين حنونه ********خاينها ودافع دونه
مبروك ياعزيز عليك*******ادراجك الي راقيلهن
لوكان عزيز اتجيبه دمعه******نبكىمن الجمعه للجمعه

انتى سبايبه ياعين ---------غلا عزيز لو لاك ما رسم
اعزاز مالكين العقل ------ينساهم منامه ايجيبهم
العقل ما ينام الليل------سطير جرج لولاف سمره
العقل يا ابعاد الدار -----يمسى معاي ويبات عندكم
الدمع ما ايجلى الياس------ايزيدكن ارياف وتنعمن

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

كلك روعه *** كيف العسل في الريق وقت بلوعه
وكيف القمر في الليل وقت طلوعه.

امغير نتقو بالعزم *** غيبة عزيز عالعين واعره

عزيز هو دواي وداي *** ومشكاي وطيبتي وعلتي

طروك طرت نطري فيك *** انسيت قول ناسيك ياغني.

امرضي بالبكا دوايت *** ابريت والبكا بات لي مرض

العين في ربيع غلاك *** تطلب الله ما يوم تفقدك

العين انكان قطعت الحن *** اتشيل نظرها غير لمن .

الخاطر عالنقال اعيونه *** جن اجنونه
يرجى في رنات حنونه

غوالي هم رصيد العقل *** حتي بلا رنات يخطروا

ازعمة بيني وبين عزيز محنه *** يقفز وين اتجيه الرنه

بكا من جده *** سالن ادموعه نين غطن خده
امرايف عليك العقل واصل حده.

بلا خوت ماتقدرها *** الدنيا صعيبه كان جاك خبرها

بلاك دقيقة *** اعزومي علي صوبك الحق رقيقة
لا قدرت ولا نقدر بلاك دقيقة

.لو كنا في سوق الغلا تجار *** رصيدي بغلاك يطق للمليار
ومازال نربحوا

نساقط عوين أو جمر *** تميت نار من نار القدم

ألعين دايرة ألعزيز *** مكان فالغلا كيف روحها

أمغير تبقي راضي *** أنسيب الدواء
و يبرن جميع إمراضي

أيام الدلال اخطرن *** بلا عزيز ما عاد نحملوا

نريد وطن موتي هله *** علي عزيز نبكي ابغايتي

قديم ماانموت عليه *** نلاقوله بديل اوينتسا

العقل لا أتزيد عليه *** متضايق اللي فيه ساده

اولا عرفت نشقي بيك *** اولاقدرت ننساك ياغلا

أنشوفك رايق *** لا تحير لا تشقي ولا تضايق
اللي أنريدها ديمه أنشوفك رايق.

انريد عزم مانلقاه *** وين يا غوالي تخطروا

أنحطك في العين و نعدم نظرها *** والروح لو تنساك نقطع خبرها

بلاهم يريد ايحمل *** كذاب خاطري كان قالها

تضايق اتريد اتموت *** يطرو نباك للعين تنفرج

تقطير مو طمع في دلو *** بلت أرياق للعين سادة

توارو وين اصحاب الراي *** نظر خلولي دوب خطاي.

جاكم جاكم *** أيدور علي سبله أيحط احذاكم
الخاطر توصوا بيه راهو جاكم

جثامة افراق عزيز *** تقتل أمغير مازال يومنا

حتي والجديد احذاي *** مسروق ركن عيني للقدم

حولت ع البكاء وحملت *** ووحلت نين رديت ع البكاء

خذيت ياعزيز عليك *** اتغيب ويش يبقي حالنا,,

خلا خلا *** راك تقربا تلقاه ينزف كله
جرح القديم ما التم خلا خلا.

سلام خاص *** علي ناس ماهم رخاص
لا يمل القلب منهم ولا يقول خلاص .

سلام دافي *** مبعوث مع حنين إريافي
للناس الغاليه يلي بالود تكافي

سلامي عليهم طيبين العشرة *** أصحاب الوفا نبصملهم بالعشرة

شيال للمواجع كنت *** واليوم كل شي صاعب علي

صوت الغلا في خاطري يدعيلك *** كل الهناء والخير متمنيلك

عزيز لو ايجيني حلم *** نبداانغفي مااليل لولي

عزيز من حنين الكبد *** عندي غلاه وزياده اشوي

علي ماشرب ماراق *** عطشان صوب مازال خاطري

غلاك هو شقيق العقل ان *** عاش خوه وان مات يورثه

في صميم كيانه *** فالقلب وفي نبضه وفي شريانه
غلاك مندفن

كلام أمصوقر موش أقطاف *** علي أتعزوا يالولاف.

كيف الموج ماتقدراتعده *** غلاك منتشر في القلب فايت حده.

كيف السحاب العالي *** قدرك كبير ودوم عندي غالي
ومازلت ترقا
لا عيب درنا لا بخلنا بود *** امغير بخت ما ينشد علينا حد..

مالا مداوي *** لا نفع فيه كي لا كيماوي
غلاه منتشر في القلب مالا مداوي
الخاطر جرحه ما داووه *** علي كل اسبيتار رموه
الخاطر طول الليل ايجض **** وهلنا يحسابوه مرض
الخاطر من قلة الدبار *** يكبر في نار على نار
الي ما قاس النار ايقول *** امغير اصبر شده وتزول
سيل الياس خذاناسرقه *** لا غيم لا شكع برقه
انتى سبايبه ياعين *** غلا عزيز لو لاك ما رسم
اعزاز مالكين العقل *** ينساهم منامه ايجيبهم
العقل ما ينام الليل *** سطير جرج لولاف سمره
العقل يا ابعاد الدار *** يمسى معاي ويبات عندكم
الدمع ما ايجلى الياس *** ايزيدكن ارياف وتنعمن