اعـــترافـات شاب (كيف الشباب يصيدوا البنات ) >>>هـــام جد

السلام عليكم ورحمة الله وبركاته

اخواتي بالله....بناتي الحبيبات...

والله انه لحزنني ...ويؤلمني ما وصل اليه حال بعض الشباب

من ضياع ....واستهتار وعدم تحمل المسؤوليه امام الله اولا وامام نفسه

والمجتمع ثانيا....بربكم هل تصرفات (وأأكد البعض وليس الكل ولكنهم كثر وللأسف)

وعدم مخافه الله في امور كثيره ...وابتعادهم عن العادات والتقاليد الحسنه...التي

تحث على الاخلاق الفاضله ...الحسنه التي تربينا عليها

ويحثنا عليها ديننا الحنيف...ومبادئنا ...انظروا معي الى طريقة تفكير هذا الشاب

برأيكم من فتح له الطريق علي مصراعيه للأساءة الى الفتيات واستدراجهن

الى الرذائل....؟؟؟؟؟؟؟؟؟
اليس ضعف الوازع الديني......عدم ملئ اوقات فراغهم بما هو مفيد...عدم مراقبة الاهل لهم

ام ان التربيه اصبحت هذه الايام معدومه لدى البعض؟؟؟؟؟

فاين نحن من قول الرسول صلي الله عليه وسلم

كلكم راع وكلكم مسؤول عن رعيته

وبماذا سنجيبه ؟؟؟؟

اللهم رد شباب وبنات المسلمين إليك رداً جميلاً واهدهم إلى صراطك المستقيم يارب العالمين ..
اللهم آمين

اختكم بالله
ضـ القمرياء

ام احمد

واليكم الموضوع الذي التالي نقلته لكم

لعل فيه العبره ..والفائده لاخواتنا وبناتنا

حماهم الله

------------------------------------------------------

اعتراف شاب

بهذه الجملة بدأ حواره معي
كنت قد توقفت أمام أحد المقاهي وذلك لشعوري بالنعاس في شارع التحليه الشهير
وعندما دخلت المقهى فوجئت بإحد الشباب فيه الكثير من الوسامة تبدو عليه الأناقة المفرطة يعطي رقم هاتفه إلى فتاة بدون أي إعتبار لأحد من الموجودين قائلا لها بصوت عالي
على الساعه التاسعة ونص
فاتجهت نحو طاولته وسألته
ممكن أجلس معاك لو سمحت ؟
فقال .. يا أخي إسمع إذا تبغى تعطي نصايح فالجواب ... لا

وإذا تبغى تسولف وتتعرف حياك الله
ضحكت من إجابته التي تدل على الملل الشديد ولكن قلت مافي نصايح ولكن مجرد كلام وعلوم ومنكم نستفيد
فقال إتفضل
قلت هو فقط سؤال بسيط ليه يعني ترقيم وشغل و حركات

فين الإنترنت والبلوتوث يعني مانت ماشي على الموضه...!؟؟
فقال يا عزيزي كلنا ثعالب... و كل ثعلب له طريقه وله هدف فقلت أنا لي هدف ولكني لست ثعلب فأنا أصل لهدفي مباشرة
فقال لابد أن تقوم بإي حركه أو مناورة حتى تصل لهدفك
فقلت طيب يا ثعلب ما تخاف إن هذه البنت المسكينه تكتشف إنك ثعلب وساعتها تعطيك على رأسك
فقال ما يهم ألقى غيرها الفاضيات كثير وغير كذا .. مستحيل تكشفني " لاحظوا الغرور فيه"
فقلت وليه يا أخي مستحيل تكشفك إذا دخلت قصة حب بتقولك تعال أخطبني قولي وش ردك وقتهاا ؟
فضحك ضحكة عاليه وقال باين عليك غشيم طبعا لازم قصة حب هل تتوقع أقول ألو... لو سمحتي ممكن أتسلى بشرفك شويه
رفع ضغطي ولكن مسكت أعصابي وقلت ما رديت علي وش عذرك لو قالت تعال أخطبني
ضحك مرة أخرى وقال .. أول عذر يا طويل العمر وأشهرهم عذر أكمل
فقلت تكمل إيه
فقال أكمل أي حاجه ... أكمل المدرسة ..أكمل الجامعه ..أكمل المعهد ..لسه ما توظفت ..أكمل الشقه المهر المهم أكمل أي شي ناقص
فقلت إفرض يا ذكي قالت تعال أخطبني وكمل على مهلك كيف تصرفها .. قول
فقال ما قلت لك إنك غشيم ..أهلي...أهلي
فقلت سلامة أهلك
فقال لا .. أهلي مو موافقين لين أكمل
فقلت والله عذر .. لكن إفرض قالت لك أهلك وليش أهلك إنت طفل إما إنت رجال ولا ما إنت رجال تعال أخطبني لو رجال .. قوللي لو إنت حريف كيف تفك من هذه
فقال أولا.. مافي بنت تقول كذا ولو قالت بسيطه أقولها .. السكر
فقلت وش فيه السكر
أقول .. أمي عندها السكر ما أقدر أزعلها أو أبوي عنده القلب والكلام الفاضي كثير.. يا عمي إنت ما تشوف تمثليات
فقلت لا والله ما أتابع لكن في أعذار غير عذر أكمل
فقال ياعم الأعذاركثير بس أنا أعطيك أشهرها خذ مثلا .. إذا إنت ولد مدلع تقول لازم نتعرف على بعض أكثر مو معقول نتزوج على طول لازم نحب بعض
فقلت الله يخرب بيتك هذا معناه كلام بالتلفون ومقابلات و.. و .. و
فقال طبعا .. أجل أنا معطيها الرقم ليه
قلت طيب غير عذر نعرف بعض فيه غيره
فقال يا أخي أنا قاموس أعذار وحجج خذ عندك مثلا اقولها عمي
فقلت يا أخي ترى قرفتني تعطيني كلمه كلمه ايش تبيني اسويلك جمل مفيده .. مره أكمل وبعدين سكر وشويه أهلي والحين عمي وبعد شوي الخدامه
ضحك وقال يعني أنا خاطبين لي بنت عمي ثم تنهد وقال بصوت رومانسي يحمل الأسى والحزن إنتي عارفه عاداتنا في الزواج يا منال .. أعطيني فرصة وأنا حتصرف

فقلت لاحول ولا قوة إلا بالله ثم سألته طيب يا أخي ليه تتنقل من وحده لوحده وليه بنت وحده ما تكفي ؟

فقال يا أخي خلاص ما يصير لها طعم والجديد دائما له طعمه
طيب عمرك شفت وحده تشتري فستان ولو غالي وما تلبس غيره يا أخي اذا المريول إلي هو الزي الرسمي حق البنات تلاقي عندها مريول ثاني كيف عاد بنت جديده وكلام جديد ومواعيد جديده

فقلت طيب فين الحب الأول والكلام الكبير إلي يقولوا عليه

فقال وقد غير من جلسته شوف ... اول فتاه لها سحر خاص وأول مكالمه وأول جواب لكن أعطيك مثال شفت الصياد إللي يصيد سمك تلقى أول سمكه صادها فرحان فيها وتلقاه حاطها قدامه طوال الرحله لكن أول ما يوصل هو بنفسه يحطها في النار وهو أول واحد يأكل منها والبنات مثل كذا الشباب يدوروا الحب ومع أول بنت أو شاب يقولوا هو هذا الحب لين العلاقة تبرد ويدوروا حب ثاني

وثالث .. وهكذا

فقلت يعني إنت تعترف إن مافي حب بين الشاب والفتاه

فقال أيوا .. حتى في القرآن الله عز وجل يقول (( وجعلنا بينهم مودة ورحمه )) شايف مودة ورحمه مو حب ومقابلات
فقلت كلام منطقي ومعقول لكن ليه كل الشباب بدون إستثناء يحبوا يتكلموا عن البنات إلي يعرفوهم قدام بعض .. يعني يفضحوا نفسهم ويفضحوا معاهم البنات
فقال هذه مو فضايح .. يعني إنت لو إشتريت سياره جديده توريها لإصحابك وإلي يبني عماره يوريها لإصحابه وإلي يفوز بمسابقه يعلق الميداليه فرحان بيها وإلي في سننا ماله غير البنات يعني ولد صياد حق بنات لسانه حلو ووسيم ويطيح الطير زي ما يقولوا

فقلت لكن الواحد يفتخر بشي يملكه كيف تفتخر بإنسانه ما تملكها
فقال لا يا حبيبي أنا أملكها ونص .. يعني أمها وأبوها يقولوا لها لا تكلمي أحد وتكلمني

ويقولوا لا تخرجي مع أحد وتخرج معاي

وأقدر أكلمها أي وقت وأشوفها أي وقت

يبقى أملكها ونص

يا أخي إذا كان ربنا يقولها لاتختلي بغريب وبتقابلني يعني عصت ربها عشاني

كيف تقول ما أملكها ؟

رفع ضغطي بقوه لكن كلامه صح
فقلت طيب إذا كنت تقابلها أي وقت وتشوفها أي وقت ليه تطلبوا صور وبعضكم يسجل عليهم وبعضكم يصور فيديو والعياذ بالله
فقال هذه يا حبيبي ضمان وإثبات محبه يعني لو كانت تحبك بتعطيك صوره وإذا تحبك أكثر أعطيها تصوير بالباندا والمبتدئين يسجلوا بالتلفون المهم الإقناع
فقلت أي إقناع هذه أعراض وشرف وفضايح كيف تقنعها
فتبسم إبتسامة الثعلب وقال بإسلوب مسرحي رائع لدرجة أنني كدت أن أصدقه .. هذه أخرتها إنتي ما تثقي في ولا في حبي هذه آخر مكالمه بيني وبينك صدقيني صورك أخذها علشان أحطها قدام عيني أنام وأملي عيني منها وعمري ما أطالع لوحده ثانيه
ولا خلينا نتصور سوى ... يا غبيه مو إحنا بنتزوج بنتزوج وكلام كثير... ألف طريقه وطريقه المهم تعرف كيف تضرب على الجرح زي ما يقولوا
فقلت طيب إفرض مثلا ما أعطتك لا صور ولا يحزنون بتسيبها ؟
فقال طبعا لا .. أنا صياد والصياد صبور وما يمل
فقلت هنا المشكلة طيب والفضايح إللي بتصير البنات يعني ما يفكروا في الفضايح
فقال عارف إيش المشكله إن كل وحده تقول أنا واثقه من نفسي وحريصه أو انتوا مو فاهمين والله سلطان غيييير أو أصابع يدك ما هي زي بعض أو أحمد إبن ناس مستحيل يسوي كذا أو ماجد يحبني مره اصلا أنا لو غبت عنه يتجنن .. وكل وحده مستحيل تتخيل نفسها بطلة فضيحه مستقبلا وشوف بنفسك الإنترنت مليان فضايح وكلها بدت بقصة حب

فقلت طيب بعد الفضيحه إيش ذنب المسكينه إلي سلمتك قلبها
فقال أولا أنا بالذات مني حق هذه الحركات هذا حال الدنيا وما أحد ضربها على يدها وقال لها كلمي بالتلفون ولا كانت صبرت لين يجيها نصيبها
سألته قائلا بصراحه لو فيه بنت تورطت بمكالمات وصور كيف ممكن تخرج من دوامة التهديد
فقال مبتسما شكلك تبغى تعرف سر المهنة لكن أقولك وخليها بيني وبينك علشان الشباب ما يزعلوا .... شوف ياعمي مايرد التهديد إلا التهديد يعني حتى الولد ما يبغى فضايح .. يعني ممكن تقوله أنا أبلغ أبوي عنك وأخليه يبلغ الشرطه وأكل علقه وحده من أبوي .. ولا أنذل لك طول عمري أو حتى تبلغ مديرة المدرسة أو الوكيله وصدقني صارت كثير والوكيلة تعرف كيف تكلم أبوه او تكلم مدير المدرسه أوالجامعه أو حتى تكلم الشرطة أو هيئة الأمر بالمعروف بينهم وبشكل رسمي
بس سري ... ومن غير حتى أهلها ما يعرفوا علشان المشاكل والفضايح وأحسن لها المديرة تعرف .. ولا أهلها وجيرانهم وأصحاب الإنترنت كلهم يعرفوا أو حتى تبلغ هيئة الأمر بالمعروف والنهي عن المنكر بنفسها بالتلفون وصدقني الشرطة وهيئة الأمر إسم يخوف اتخن شنب في الشباب
سألته ... إنت ما تخاف أنشر هذا الكلام وسوقكم يوقف
فقال ضاحكا ... يا عمي والله لو تنشره وتخلي كل بنت تقرأه في طابور الصباح ماحيبطلوا حتى لو .. كم وحده حتبطل .. ميه .. ألف ... خليهم يبطلوا

الباقي نصيبنا معشر الشباب
نظرت إلى ساعتي إنها الثامنه وعشر دقائق ولملمت أغراضي وودعته
فقال على وين رايح .. تو الناس
فقلت خلاص صلاة العشاء
فقال لسه باقي على الأذآن عشرة دقائق

فقلت يا دوب أدور مسجد وألحق الصف الأول
فضحك ضحكة عالية جدا وقال ... شفت أنا قلت لك إنت تنظر في الساعه وتخطط تلحق الصف الأول علشان تصيد الأجر .. ما قلت لك ياحبيبي كلنا ثعالب وكل واحد يتفنن فـ صيد الي يبغاه
ضحكت مجاملة له وانصرفت وكلماته ترن في أذني
ثم تسألت إن نشرت هذا الكلام كم فتاة ممكن ان تترك المكالمات وكم فتاة تبقى من نصيب الثعالب

"ثم تذكرت قوله تعالى

( والذين كذبوا بآياتنا صم وبكم في الظلمات

من يشأ الله يضلله ومن يشأ يجعله على صراط مستقيم )

[ الأنعام : 39 ] .

بنات ياحبايب قلبي
فكري لمجرد دقيقه
بأبوك هذا اللي يمشي قدامك
ولا بأمك اللي تدعيلك وتحبك
ولا بأخوك اللي مهما اخطأ يضل سندك بالحياة
ولا باختك البريئه اللي بتنظلم عشانك
كيف بالله كيف تهينينهم عشان جرذ ماراح اقول ثعلب لانه بالنهايه خسيس ومكانه بالمجاري
يعني ترضين تحسسينهم بالذل ويمشون طول عمرهم راسهم بالارض
طيب فكري بنفسك وبحالتك
مهما حسيتي انك واثقه بشخص او انك تحبينه
باب بيتكم يوسع جمل ليه مايدقه
فأن قلتيله و طول السالفه ادري انه كذاب

(( ومن ترك شيئاً لله عوضه الله خيراً منه ))

خلك ذكيه وتذكري ابوك وامك بلحظتها
وكيف بتكسرينهم وتهينينهم قدام العالم
لمجرد غلطه !!
وان كنتي عاقلة بتفكرين بربك قبل الكل

موضوع جداً رائع

بتمنى الكل يستفيد

يعطيكي الف عافية غاليتي

تقبلي مروري

موضوع جدا رائع ومفيد
يعطيكي الف عافية غاليتي
دمتي بتالق
تقبلي مروري

سلمت يمينك على الموضوع

وربنا يهدي شباب امتنا لكل خير

زائر

بارك الله فيكي على الموضوع

:.vv:

بارك الله فيك والله يهدي شباب الامه للطريق القويم

الله يهدي الجميع ويثبتهم على دينهم
اعـــترافـات شاب (كيف الشباب يصيدوا البنات ) >>>هـــام جد 442438

يسلموو على مروركم العطر الذي اسعدني

مرض وجهل من يفكر بهذه الطريقة

لا أملك الا الدعاء ربنا اهدينا الي الطريق السوي

وأبعد أخواتنا عن هؤلاء الذئاب

جزاكي الله كل الخير قلب الزهرة

دمتي في حفظ الله

الظلام القاتل

لوجود اسمك في متصفحي رونقة ..

خاصه تميز بها وتتميز بها ..

نتمنى ان نرى تلك الردود على الدواام

» طــرق علاج الملل عند البنات .. البنات بس . .الشباب مالهم شغل ..
» ياشين الشباب لما يقلدون البنات
» احسن شي عند البنات واحسن شي عند الشباب
» فوائد دراسة البنات مع الشباب
» كيف ترى مغازلة البنات و الشباب نريد ارائكم