خدعة الاختلاط في المنتديات

خدعة الاختلاط في المنتديات الاسلامية.....
كتير من الناس بيفكرو بعقلهم اكتر ما بيفكرو بقلبهم، وساعات التفكير بعقل زيادة بيخلي الانسان يتلخبط اكتر لان ربنا خلق فينا حاجتين ممكن يوجهونا لطريق الخير او الشر...
والحاجتين دول هما العقل والفطرة السليمة
وساعات الواحد بيحس ان عقلو بيقول حاجة وفطرتو بتقول حاجة تانية
فيتلخبط ومش بيعرف يحكم بأي واحد فيهم لان الاتنين بيطرحو فكرة مختلفة بس الدلائل عليها قوية جدااااا والاتنين صح فيعمل ايه ساعتها؟؟
اكيد هاندور عن حكم الشرع فيها ونشوف رأي الفتوى فيها ايه وبعدها نسلم لما يقول الشرع .......
لكن لو تصادف اننا لقينا فتاوى بتركز على جانب واحد اما شمال او يمين بس فيه حاجات بينهم مش لاقيين ليها فتوى او تفسير فبتكون عندنا ساعتها شبهة او التباس ممكن يوقعنا في اخطاء من غير ما نحس ..................

هندخل في الموضوع على طول وزي ما العنوان بيقول(( خدعة الاختلاط في المنتديات الاسلامية))

لاأخفيكم سرا ان انا واحدة من الناس اللي ماكنتش اؤمن اطلاااااااااقا بفكرة ان فيه اختلاط جوا عالم النت وهاشرح السبب في المفهوم ده بالتفصيل بس اوعوا تزهقوا من كلامي وارجوكم تكملوا للآخر لانها فكرة ممكن تكون موجودة عند الاغلبية وده اللي لاحظتوخلال تجربتي في الموضوع ده.... يعني مش انا لوحدي اللي عندي الفكرة دي (( دي فكرة منتشرة))
صوت العقل بيقول ان النت عالم افتراضي مش حقيقي ولما الواحد بيدخلو بيدخلو باسم مستعار (غالبا) وناس كتير بتختار لنفسها شخصية معينة تدخل بيها (دور يعني) وممكن مش تكون الشخصية الحقيقية (ولا اعمم كلامي) لان فيه ناس صادقة الى ابعد الحدود بس انا باتكلم عن عالم النت ومافيه بواقعية (سواء تجمعات اسلامية او غير اسلامية) (عشان بس اوضح ازاي انا اخذت فكرتي دي)
وكمان احنا بنتكلم من وراء جهاز ويمكن نكون بعاد عن بعض مسافات رهيبة فازاي ممكن الانسان يعجب بحد من عالم النت الافتراضي ده او يفتن بيه؟؟؟؟(ده صوت العقل)
الى وقت قريب جدا انا واحدة من ناس كتيييييييير كنت بتبنى الفكرة دي لغاية ما حصلت حجات خلتني اتلخبط وابقى مش عارفة انا فين بالضبط وفين الصح وفين الغلط؟؟؟؟؟؟؟؟؟؟؟؟
وانا من النوع اللي الهزار ده بيمشي فدمي زي الكريات الحمراء وجزء من شخصيتي الحقيقية .....وساعات والله بلاقي ناس تضحك من كلامي من غير ما اقصد اننا اضحكهم ولا اخدت بالي اصلا اني قلت حاجة تضحك وده فحياتي الواقعية مش بس على النت ( وفيه ناس كتيييييييير بيشبهوني كدا)
دلوقتي عندنا نقطتين..
النقطة الاولى..مفهوم ان لا يمكن انو يحصل اعجاب من عالم افتراضي غير حقيقي
النقطة التانية.. طبيعة الانسان الحقيقية (هزار من غير قصد او عن قصد بما انو مافيش ضرر من ذلك)
وزي ما الاستاذ مصطفى حسني بيعلمنا دايما ان السبب في السلوك الخاطئ هو مفهوم حاطئ عند الناس وده اللي حصل بالضبط
وفي يوم كلمتني صحبتي بتقولي ماتهزريش في المنتدى...

قلتلها ليه؟؟

قالتلي لايجوز شرعا

قلتلها ازاي؟؟؟؟

قالتلي ممكن يقع في قلب احدهم فتنة فيُفتن بسبب الهزار ده

قلتلها بتقولي ايه يابنتي؟؟ ايه التشدد اللي انتي فيه ده؟؟؟

وبعد نقاش طويل عريض اخذ اكثر من ساعة تقريبا حول نفس النقطة قلتلها طب اديني دليل شرعي ...

قالتلي مش محتاج دليل....واضح جدا انو تصرف غلط...

قلتلها ازاي غلط اذا كانت فكرة الاعجاب بشخص من عالم افتراضي ضرب من الخيال؟؟؟؟

وعلى فكرةانا فحياتي ماكلمت ولد عالواقع لان فعلا ده حرام ومش محتاج نقاش اطلااااااااااقا بس النت حاجة تانية وفيه بنات منتقبات بيهزرو على النت عادي وكمان شباب ملتزمين(والسبب مفهوم خاطئ عن عالم النت)

بعد جدالي الطوييييييل مع صحبتي دي قررت ادور على اصل الحكاية دي واستفسر هل فعلا فيه ناس بيحصل عندهم اعجاب اتجاه شخص من العالم الافتراضي؟؟؟؟

لقيت خلال بحثي قصص رهيبة ماكنتش عارفة عنها حاجة ومن بينها قصة واحدة دخلت منتدى اسلامي بهدف الدعوة الى الله فتحولت بالتدريج للصحوبية مع ولد عبر المسنجر وتطور الامر الى حاجات تانية اكبر...
بصراحة انا اتلخبطت ساعتها لاني حسيت ان عقلي بيقول حاجة وفطرتي التي فطرني الله عليها بتحسسني ان فعلا فيه حاجة غلط ....

استنتاجاتي ساعتها كانت كالتالي
*ان مش كل الناس بتفكر بعقلها اكتر
*وفيه نفس امارة بالسوء....
*وعالم النت زيو زي العالم الحقيقي فعلا

دخلت جري ادور على فتوى في الموضوع ده لاني اترعبت منها بجد.....انا اللي عمري فحياتي ما قربت من ولد حتى وانا صغيرة.....ممكن اكون باعمل حاجة عندها علاقة بالاختلاط؟؟؟ومن غير شعور او قصد مني؟

(شفتو التضارب بين صوت العقل وصوت الفطرة؟؟)

بعد ما دورت على الفتوى ولقيتها بفضل الله لقيت ان فعلا لايجوز الهزار في العالم الافتراضي(النت)
ساعتها اتصدمت فعلا وبقيت فترة مش بادخل المنتديات......

بس وانا بعيدة حصلت حاجة غريبة جدا خلتني ارجع اتلخبط من تاني.....واكتر من الاول لان دلوقتي بقا عندي دليل شرعي على التحريم ازاي اتلخبط من تاني؟؟؟
نص الفتوى

ما هو حكم حوار الرجل والمرأة الأجنبيين عن طريق شبكة الإنترنت علما بأن الحوار يتم عن طريق الطباعة لا
الكلام المباشر؟. وشكرا
الجواب :
الحمد لله والصلاة والسلام على رسول الله وعلى آله وصحبه وسلم أما بعد:

فإن كان هذا الحوار يدور بينهما وفق الضوابط الشرعية فلا حرج فيه شرعاً وهي:

1/يكون الحوار دائراً حول إظهار حق، أو إبطال باطل.

2/ أن يكون الحوار عبر ساحات عامة يشارك فيها جمع من الناس، وليس حواراً خاصاًبين الرجل والمرأة لا يطلع عليه غيرهما، فإن هذا باب من أبواب الفتنة، فإذا توافر
في الحوار هذه الأصول، وكان جارياً كما ذكر السائل من عدم الرؤية والخطاب المباشر،

فلا حرج فيه، والأولى ترك ذلك وسد هذا الباب،
لأنه قد يجر الإنسان إلى المحرم،
فالشيطان يجري من ابن آدم مجرى الدم. والله أعلم.

انا لخصت الفتوى واقتبست منها اهم حاجة
نرجع للموضوع
الحاجة الغريبة اللي حصلت لصحبتي دي واللي خلتني اتلخبط من تاني هي حاجة حصلتلها في منتدى اسلامي ولكتير من الناس الملتزمين....
صحبتي دي بتدخل لمنتديات اسلامية وبس (زيي كدا)
بس مش بترد اصلاعلى مواضيع الشباب ولا تخالطهم سواء المجلس كان مجلس علم بقا او غيرو.....
بس هي بنت عندها دماغ حلوة زي ما بيقولو ..وبتفكر بطريقة ممكن أي واحد ينبهر بيها وده بيظهر في مواضيعها وردودها ....بالاضافة الى انها ملتزمة ومش بتختلط بالجنس الآخر اطلاقا....

حيث يخلو كل حبيب بحبيبه

رسالتك بعد الالتزام

وفي يوم دخل احد الشباب الملتزمين مواضيعها وحط مشاركة شكرها فيها بطريقة محترمة لا تتجاوز جزاكم الله خيرا .......الخ
وبعدين بقت ردود الاخ ده فيها ماشاء الله روعة....

وبعدين بقت كل لما تدخل موضوع تلاقيه قصادها وبيجاوبها رغم انها في موضوع عام ومش موضوعها هي ...بيرد عليها هي بالذات ليه؟؟ ما الكل داخل يتناقش( والموضوع لبنت)

على فكرة الاخ ده ملتزم ونحسبه على خير وهو كمان مش بيختلط بالبنات ولا يرد عليهم وبيقطع الطريق اول ما يحس انهم بيتلككو عشان يكلموه.....

بعدين بدأ يظهر من الاخ ده اعجاب واضح بدماغ البنت دي وطريقة تفكيرها وواضح انو لاحظ التزامها الشديد بقواعد الاختلاط وده اللي زاد الطين بلة....(شفتو الفتنة ومدخل الشيطان)
لاحظو معايا
المكان..منتدى اسلامي
الاشخاص ملتزمين بقواعد الاختلاط
الموضوعات عامة امام اعين الناس

بعد فترة بقت البنت تقولي ..اخلص منو ازاي ؟؟
ده بيتلكك عشان يعمل اقتباس من كلامي في مواضيع مش بتاعتي اصلا وفيه عشرات الصفحات ومئات المشاركات ليه انا بالذات وبالشكل المتكرر ده ....؟؟انا شكلي بقا وحش وممكن حد يفتكر اننا نعرف بعض من كتر ماهو لازقلي كدا...
دانا لو قلت( بخْ) الاقيه طالعلي بيقول ماشاء الله روعة وابداع....

باسألكم بس أيه اللي بيحصل ده ؟ مش البنت ملتزمة بقواعد الاختلاط؟؟

خلونا نحلل الموضوع شوية..

الفتوى بتقول انو لا يجوزالهزار والكلام من غير داعي

خلاص التزمنا واقتنعنا....(وَقَالُواْ سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ) (البقرة)285

*وبتقول الفتوى كمان انو مسموح النقاش امام عامة الناس في المنتدى في حدود طلب العلم والاستفادة او الاستفسار ......الخ
*الهدف من التحريم.. منع وقوع الفتنة ....

طب ايه اللي حصل لصحبتي ده مش الاخ فُتن برجاحة عقلها والتزامها.....؟؟؟؟
يبقى احنا بندور في نفس النقطة( الهزار زيو زي الالتزام) بيوصل لفتنة....
طيب استفدنا ايه من الفتوى دي؟؟؟ مدام النتيجة نفسها...؟؟

واللي هنتوصل ليه من خلال ما حصل ان تواجدنا في حد ذاته كجنسين مختلفين في منتدى واحد بيشكل خطر علينا وعلى التزامنا ....حتى لو كان المنتدى اسلامي سواء هزرنا او التزمنا الاتنين بيجذبو الطرف الاخر....

لنفرض ان الجميع ملتزم بقواعد الاختلاط وحدوده و ماحدش بيرفع الكلفة ((لمنع وقوع الالفة)).....
طيب مش تواجدالبنت ا نفسو باستمرار جوا موضوعات شاب ومتابعتها باهتمام لطرحه بينتج عنو نوع من الالفة؟؟؟
ونفس الحال بالنسبة للشاب اللي يتواجد باستمرار في مواضيع بنت معينة
انا باتكلم وانا اكتر واحدة متلخبطة وعايزين نشوف اراءكم في الموضوع
احنا صح ولا غلط بتجمعنا ده؟؟؟

فين الحقيقة؟؟

(صراع بين الفطرة السليمة والعقل)

اللهم ارنا الحق حقا وارزقنا اتباعه وارنا الباطل باطلا وارزقنا اجتنابه
عايزين نقاش هادف وكلنا آذان صاغية

اضافة بسيطة
((استفتي قلبك وان أفتوك))

حيث يخلو كل حبيب بحبيبه

رسالتك بعد الالتزام

زائر

يسلموووووووووووووووووو شمس عل الموضوع الراااااااااااااااااااااااااااااااااائع
تقبلي مروري :q1:

هذا أهم ما بالموضوع الطويل جدآ

استفتي قلبكــ وإن أفتوكـ وأفتوكـ

بارك الله فيكِ شمس الغروب على ما قدمتِ

حماكِ الله

اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

موضوع جميل جدااا

مشــــــــــــ كورة شمس

سلمت يداكي

حماكـــــــــــــــ اللهـ من كل سوء

بارك الله فيكي موضوع قيم ومهم للغااااية
اسئل الله الثبات عى الدين والحق
خدعة الاختلاط في المنتديات 342319

موضوع قيم شمس وتفكير منتشر كتير بهي الطريقة

سلمت اناملك الغاليتين عزيزتي

زائر

باركـ الله فيكي شمس الغروب

يعطيكي الف عافية يارب

//

دمتي بخير

اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

يعطيكي العافيه شمس الغروب على ما قدمتي من ابدااع

دمتي ودام قلمك المبدع

تحياتيـ

» حكم الاختلاط في المنتديات ؟
» الاختلاط رقي أم انحطاط
» النظرة التربوية في الاختلاط في مدراس التعليم الاساسي
» خدعة بصرية مدهشة
» خدعة لتخفيف السرعة