اختلفــنا بكل شي الا الفــراق!!

زائر

اختلفنا بكـل شي ...الا الفراق ...
ياللأسف كان اتفاق .....!!

بعد العمر .. بعد السنين
بعد الضما لحب و حنين
بعد الوله و الإشتياق
كان الفراق
هو الإتفاق

سؤال حاير بالفكر ليش اتفقنا عـ العنا ؟؟
منهو على الفرقا مٌصر انتي عنيده ... او انا !!!
ليش اختلفنا نتفق ؟؟
ليش اتفقنا نفترق ؟؟
ليش النهايه تبتدي ؟؟
و نصفي على حبر و ورق !!!!
ياللأسف .... مر الفراق ..
كان اتفاق !!!!

عشنا حبايب نختلف ...
دايم نكابر للأسف ...
ما نعترف ...
نهوى بعض .. فوق الخيال
بس نختلف ...

كانت بدايتنا خلاف ,, صدفه تلاقينا بمكان
نشكي من الحب الجفاف كنا في حاجه للحنان
فينا العزم ... لكن نخاف حيث الزمن مابه امان

كانت تخاف ..
و انا اخاف ..
هذي بداية حبنا ....
تصوروا ... كان الخلاف ..
منهو اللي فينا ما يخاف !!!

قلت : اشرحيلي قصتك ..
ودي بتفصيل ٍ ممل ..
يمكن على كثر الجروح ..
بس جرح واحد يندمل ..
قالت حكايتها ... أمل
مره تحقق و اختفى ..
شخص ٍ وعدها و ما وفا ..
قلت اصبري ..
قصدك انا ؟؟
قالت تقاطعني بعد ؟؟
ودك بـ تفصيل ٍ ممل ؟ ..!!
خلني اقول ..
خل الفضول ..
لاحق على دورك يجيك ..
قلت : اكتفي بكلمه خلاص ..
دام اني ما صنت الوعود ..
و ضيعت في عينك امل ..
ما ظن جرحك يندمل ..
قالت لي غيّر كلمتك ..
مليت من نفس الكلام ..
مليت من كثر الملام ,,!
وين الغرام ؟
وين الهيام ؟
وين الوعود بفرحه تسهر ما تنام ؟

قلت إلها : يلاّ نتفق
ونرسي على بر الأمان
نرجع الى نفس المكان
اللي تلاقينا زمان
و يكون اول اتفاق
و صدقيني اخر اتفاق

يرضيك .. و يرضيني الفراق
رغم انه ما باقي امل
و الجرح ماظن يندمل
لكن " فراق قلوبنا "
على الأقل

الفراق هو أحد الأكيدين في الدنيا بعد وجود الله
يعطيك العافية جروح على الخاطرة الأكثر من رائعهـ
دمت بود

ما أكثر الكلمات التي تخرج من ألم الفراق

ولكن في النهاية يجب ان نرضى بالواقع

شكرا جزيلا لكـ جروح الزمن

دمت في حفظ الله

مشكور