طريقة رائعة تخللي الأذان على موبايلك الصيني

خللي الأذان على الموبايل الصيني

الموبايلات الصيني والكوري انتشرت جداً في الفترة الأخيرة،
بس الشكوى المتكررة انها مش بينزل عليها برامج زي البرامج الدينية وبالذات للتنبيه
بالآذان
الحمد لله ربنا وفقني وتوصلت لطريقة رائعة تخلي الآذان يبقى على أغلب
الموبايلات الصيني ..

[b]الطريقة باختصار
:
طبعاً أصحاب الموبايلات الصيني أو الكوري عارفين ان فيها خاصية
اسمها Alarm Clock وهي عبارة عن منبه مكون من 5 مجموعات أو جروبات بيتم ظبطهم على
مواعيد معينة ويديك جرس عند الميعاد اللي انت حددته
وممكن تظبط نغمة المنبه تكون
راديو أو صوت وخلافه.

الفكرة هي ظبط المنبه المكون من 5 مجموعات ده على
مواعيد الصلوات الخمسة
(الفجر - الظهر - العصر - المغرب - العشاء)
وكل اللي
هتعمله ما يلي :

1 - ادخل على موقع (تنزيل) ونزل نغمات الآذان (إم بي ثري)
من عليه :

[b](موقع تنزيل)

[/b]
2- هتضيف نغمات الآذان
عندك على التليفون عادي زي أي رنه أو أغنية سواء بالكابل أو على كارت الميموري خلال
الريدر
3- ادخل على Alarm clock وظبط الخمس مواعيد على مواعيد الصلوات الخمسة من
أي نتيجة فيها مواقيت الصلاة تبع المحافظة أو المكان اللي انت مقيم فيه (وطبعاً ده
هيتم بصورة دورية عشان اختلافات التوقيت)
وممكن كمان تحدد درجة الصوت بتاعت كل
آذان فيهم (يعني تخليها صوتها منخفض في آذان الفجر مثلاً)
وممكن حاجة اضافية
تعملها انك تحدد خاصية Snooze اللي هي تكرار المنبة اللي هو (الآذان) بعد عدد دقائق
معين (5 دقائق - 10 دقائق) ده كبديل عن إقامة الصلاة (اللي في برنامج خاشع و
الآذان) لأن الإقامه بتكون بعد الآذان بعشرين دقيقة أو عشر دقائق مثلاً
..

بس الطريقة طبعاً ليها مميزات وعيوب ..

العيوب:
عيبها الوحيد للأسف
انك بتحدد توقيت الآذان بطريقة يدوية وبصورة دورية مش بطريقة اوتوماتيكية زي برنامج
(الآذان) أو برنامج (خاشع) اللي في النوكيا

المميزات
بقى :
1- انك بتقدر تحدد أي نغمة للآذان على مزاجك مش زي برنامج خاشع أو
الآذان هما نغمه واحده بس
2- صوت الموبايل الصيني معروف انه عالي شويتين عن
الموبايلات التانية فكل الناس اللي حوليك هيسمعوا الآذان وهيعرفوا ان ميعاد الصلاة
بقى دلوقتي (وخصوصاً في الأماكن الكبيرة والزحمة).
3- انك ممكن تخصص آذان معين
لكل صلاة على مزاجك (يعني الفجر بصوت المنشاوي والظهر بصوت النقشبندي والعصر آذان
الحرم النبوي ... وهكذا)
4- الموبايل ممكن يقفل أوتوماتيك أي حاجة انت مشغلها زي
الأغاني أو الراديو أوخلافه عشان يشغل المنبه اللي انت ظبطته.
5- الميزة الأخيرة
واللي أهم من كل ده انك بتاخد ثواب ترديد أي حد من المحيطين بيك للأذان (حتى لو كان
مسجل على الموبايل)

[/b]

يسلموا محمد على الطريقة الرائعهـ

جزاك الله كل خير

دمت بود

يسلمو

لا حرمنا طرحك المتميز

» طريقة صنع مخدة رائعة
» شاركنا باجمل رساله على موبايلك ...
» ياتري نوع موبايلك ايه؟؟؟؟, محدش يتكسف
» تحميل 2010فايرفوكس لتتصفح الانترنت من موبايلك
» عايزتعرف أي حاجه في مصر على موبايلك صدقني أدخل هنا