شعر الفراق والشوق

أذكرك ، وابلل بدمعي .. طريقي !


.................. وآخذ من الليل ( آه ) وما أنام !



وانده لـ تنهيدة المشتاق : فيقي !


.................. وتيبس أطرافي ولا يبقى حمام !



والغمام اللي أبيه يفكّ .. ريقي


.................. ينتظر مثلي بعد .. " جيّة غمام " !



هاجسك لاراوده همي وضيقي


.................. قولي إن الموت هو مسك الختام !



وإن غرقت هناك قولي : ياغريقي


.................. لايموت الحلم في قلبك .. حرآآم !



حلوتي ، والوصل هذا مو حقيقي !


.................. حلوتي ، والشعر هذا .. مو كلام !



أزفر عيونك ... يجاوبني شهيقي !


.................. وافتح عيوني و يلفحني .. ظلام !!



ومن سمعته قال للنسمات : ضيقي !


.................. فتّح عيوني و .. خلاني و .. نام !!




********************************************************



أصعب وداع موادع الـروح للـروح
أصعب وداع موادع الـروح للـروح
أصعب وداع موادع الـروح للـروح



لحظه نبيع العمر فيهـا ونشريـه !!
لحظه بهـا نذبـل ولايذبـل البـوح
يبقى مثل طعم العتب والمشاريـه !!


لحظة ضياع وحزن ودموع وجـروح
لابـارك الله بالمـوادع وطاريـه !!
تبقـى تفاصيلـه ولايمكـن تـروح
مثل الأمـل لاطـال لازم نجاريـه !!
للحزن صوت وصوت الأحزان مبحوح
هذي مواويلـه وهـذي مواريـه !!
ماهو مثل حزن الحمامه على الـدوح
حزنٍ نمـوت ولاقدرنـا نداريـه !!





*************************************************





تبي انتفارق !؟ قولهــا .. وانتفارق !!

............... عشان اعرف شلون ... ألملم جراحي !


يلعن أبوه الشوق ! وشلون .. حارق !

............... تو مافترقنا ..... وابتدى.....فـ اجتياحي !


غصن العتب ما مات ! للحين . وارق !!

............... والليل .... أتلى الليل ... " طلّة صباحي " !


مجرم غرام وفوق هالجرم ... سارق !

............... تسرق ... منام اللي قضى الليل صاحي !


أهواك والله .......... كثر مالاح بارق

............... ياللي تشوف الحُب .... " كسرة جناحي " !


***********************************************************


والله ان البعد موجع ..
والعذاب اللي يزور القلب لحظة رجعتك .. والله موجع ..
والطعون اللي تسابق لي الا منّك نطقت ..
والشجون اللي غفت نيرانها وهي تحتريك ..
والرماد اللي بقى منّك .. شفه ..
والرماد اللي حيا منّك .. شفه ..
هذا انا.. وهذي ضلوعي الناشفه ..
هذا صدري وافتحه لاشتقت تحزن ..
أو اذا حبيت حزني .. يصبح احسن ..

وهذي هي آخر دموعي.. واقفه ..
تبكي لحظّي .. قبل تبكي عليك ..

ياقريبٍ يابعيد ..{ ولا انت يمّي..
خلني ببقى لـ همْي .. وش عليك !!



لنته داري بالوجع ..
ولنته عارف بالعذاب ..
ايه اموت .. ارحم واحسن ..



من حضورك ... بالغياب ..!!