ايهما أدق وأصح مع ذكر السبب

اي الجملتان التاليتان ادق وأصح مع ذكر السبب ازا ممكن للمعرفه
وتحياتي الى احلى واجمل اعضاء
الأولى
ازا بدك تعرف خيرو من شرو جرب غيرو
الثانيه
ازا بدك تعرف خيرو من شرو جربو
هاي قضيه حلوه وظريفه للنقاش ارجو اني اشوف ارائكم يا احلى اعضاء

يسلمو سامي على الموضوع الجميل
الأصح ازا بدك تعرف خيرو من شرو جرب غيرو
السبب: لانه لما اتجرب الناس التانيين وتعرف بوقتها انهم ما رح يقدمولك الي كان هالشخص مقدمه الك
وقتها بتعرف انه احسن من غيره
انا هيك برأيي
لك خالص ودي
تحياتي

مرورك اسعدني يا مستحيل
تحياتي الى وجه نظرك يا مستحيل
دمتي بود

الثانيه
ازا بدك تعرف خيرو من شرو جربو

انا برااي هاي اصح وادق
بنظري لانو لازم نجرب الشخص نفسو علشان نقدر نحكم عليه

ما اعتقد انو لو جربت غيروا حقدر اكتشف في الشخص الاخر اشياء معينه

هاي وجهه نظري

الف شكر لك
فعلا موضوع جميييل لانه يحمل اسمكـ

لك مني كل الود

مس دلع عمرو ظني ما بخيبني بقدراتك يا مس
اسعدني تواجدك بصفحتي
وجه نظرك ميه ميه لانو لازم اجربو عشان اعرفو منيح
شو بدي بغيرو انا لانو كل انسان بيختلف عن التاني من حيث التفكير والمعامله
انا رايح اعطي رؤوس اقلام لهاي الجمله
ازا بدي اعرف مدى قوه تحمله بضغط عليه عشان اعرف قدراتو
تحياتي مس دلع انا مسرور بحضورك

كل الشكر سامي لروعة طرحك
انا اكيد لازم جربه لأعرف خيرو
كل الود
تحياتي

ياامبراطوره المنتدى
بردو انا ما بشك بوجه نظرك ابدا لانها
بالمكان الصحيح دائما تحياتي لكي لحضورك الدائم

يسلمو سامي على هلموضوع الجميل
اكيد الاصح بنضري لازم تجربو لتعرف خيرو من شرو
لانك لو جربت غيرو من غير ما تجربو
ما رح تعرف خيرو من شرو

قلب الزهره وجه نظرك بمحلها وكلامك ميه ميه المكتوب دايما ببين من عنوانو
يعني ما بنشك بوجه نظرك كمان يا قلب الزهره مرسي الك على حضورك