الفرق ليسى بعيد

موضوع: الفرق ليسى بعيد الجمعة مارس 20, 2009 11:45 am

الفرق بين زوجة وزوجة ؟؟

اذا وقع زوجها عن الدرج:

الاولة : وليعلى آمتي، سلامتك حبيبي أنشاء الله ، انا ولا انتا ابن عمي ( ميته خوف علية )

الثانية : شو مالك دخت ؟ الله ما برمي الناس بحجار خطيتى الله لا يردك ( بتستناهيموت علشان تورث).

اذا الزوج بدو يسافر:

الاولة : انتبه لنفسك ابن عمي، جهزتلكالشنطه، كتّر خيرك على الاغراض اللى اشتريتها، بيكفوا سنه الله لايحرمنا من دخلتكعلينا، أولي على آمتي، تروح وترجع بالف سلامه

الثانية :أسبوع مبوزة قبل السفر، وكل شوي دموع، ومتى بدك تروح؟ ومع مين بدك تطلع هناك آه ؟ مش تتطلع عالبنات !! إحلف إنك مش رايح تروح على أماكن فيها بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف وينك و تحكيلك إنه الولد سخن، وبنتك بدها

تموت، كل المصايب بتقلك اياها بتلاحقك فيها وين ما تروح ( هوايتها نكد )

إذا الزوج تأخر بره فى شغل او مع صديق:

الاولة : شو إبن عمي ! غلي ألبي عليك تؤبشني يا حءء وكثير شغلتلي بالي، تؤبرني ما تتأخر عليي كثير مره تانيه عشان بشتائلك أنا

الثانية: شرّفت !! وين كاين؟ مهو أنا كاينه حيوانه في الدار، طول نهاري أكنس و أمسح !! مع مين من أصحابك الهمل كاين تتصرمح ؟ إيش جبتلنا معاك ؟وللا جاي إيد قدام وإيد ورا، كويس عرفت إلك دار وروحت ( لا تعليق)

إذا طلبت شى منه

الاولة : إبن عمـــــــــي تؤبشني تؤبر ألبي ( كله تؤبــر) حبيب ألبي فيك تجيبلنا شي حلو من دياتك الحلوة وعلى زوئك شو بعشق زوئك أنا ياحياتي.

الثانية : إغلط مرة وجيبلك شغله حلوة معك بقلاوة وللا كنافة بدي أحلي تمّي إللي مرّر من هالعيشة إللي بتقرف ( هاى طخها حلال )

إذا جابلها هدية :

الاولة : يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن الله لايحرمنى منك يا عمري ز

الثانية : والله غاب وجاب، وياما جاب الغراب لمه، من وين جايبها وقديش حقها هاي، الله يقطع هيك ذوق مش لو جبتلنا طبخة للدار أحسن ( حسبي الله )

لو طلبت منها فنجان قهوة :

الاولة : من عيونى ابن عمى، أحلا فنجان بن من دياتى يستاهل تمك، وبدياتى راحشربك كمان، تعبك راحة ابن عمي، ما في اغلا منك حبيب ألبي ( تخيل فنجان القهوة بس )

الثانية : بدك قهوة ؟ هي اخوانك مرميين فى الحوش روح اشرب معهم، وللا أقلك روحعند امك بتعملك، أترك شغلي وأعملك قهوة؟؟ هادا اللى ناقص، ياااا رب موتني وخلصني منهالعيشة اللى بتقرف( كل هادا علشان فنجان قهوة ريتو سم ياشيخة )

اذا حكالها (بدكشي؟) وهو طالع:

الاولة :- تسلملى حبيب ألبي ابن عمى، مابدي غير سلامتك مكفينى منكل شى مو ناقصنى شى تسلملى ياحءءءء بس حبيب ألبى ما تتأخر كثير بشتائلك انا ابنعمي، بدك اعملك شى لمن ترجع؟ ( بتكون غبى لو طلعت وتركتها )
الثانية : لأأأأ (مع تبويزه طولها شبرين)... بديش
إشي، وين بدك تروح؟ ومع مين بدك تقعد؟ انشالله بتطوّل وبتخلّيني لحالي زي الهبله، وللا أحكيلك، جيب معاك حفاظات للولد وإنت جاي

الذوق والتنويع فى الاكل:

الاولة : سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ماعندها بقدونس راح تعملك تبولة هههههههههه بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى دوء هاي من ايدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وماعملته ؟ صحتين على ألبك ابن عمي.

الثانية : لو عندها كل أنواع الخضار، والثلاجة مليانة اغراض ولحمه وسمك، هو هو فش غيره طبيخ مقلوبة أو ملوخية أو فريكه، وإذا غلبت حالها صينية بالفرن، هذا اذا كنت محظوظ و ما حكتلك فش بندوره و خيار روح اشتري، أو خلص الغاز في نص الطبخه، روح جيب غاز اذا بدك توكل.طبعا بوزها عالسفره شبرين، وبتبلش ضرب بالولد عشان كب الصحن، و حديثها بيكون كالتالي: اليوم إجت فواتير الكهربا والميه، متى بدك تدفعهم ؟ اليوم ان,,,,رت إيد الحنفية وأنا بجلي، روح جيب المواسرجي يصلحها بس تخلص أكل، إبنك بدو عشرين ليره "ما يعادل"1400 ل.س " يشتري كندره.وأهم أشي: بس تخلّص أكل ودّيني عند اهلي، طلعت روحي طول اليوم فى المطبخ ( يعني عاملة الغنايم ما شالله ) ... خليها تروح يمكن تنفتح نفسك وتاكل زي الخلق.

سؤال للشباب مين بتفضل؟
اكيد منعرف الجواب
بس السؤال للبنات الصراحة مين انتي الاولة او التانية؟

يسلمو فيفيان على الموضوع الحلو
كل الود
تحياتي

يسلمووووووووو فيفيان موضوع حلو كتير

سلمتي غاليتي وسلم قلمك المبدع

تحياتي

شكرا لمروركم

بس على فكرة انا حاطة سؤال ما تجاوب عليه

على كل حال انا مأكدة انكم من الاولة بتختاروا

منورين يا حلوين

يسلمو فيفان موضوعك كتير حلو
كل وحده اكيد رح تشوف حالها متل الاوله
دمتي بود
تحياتي

كل الشكر فيفوو
على روعة طرحك
كل الحب لقلمك المبدع
لك حبي
تحياتي

طبعا حبيبتي قلب الزهرة ما حدى بقول عن زيتاتوا عكرين
بعرف كل صبايا المنتدى مثل الاولى
شكرا للمرور العطر