مسألة أفلاطونية ....

زائر

:###:

:**:

مرحبا شباب ...

اليوم راح امارس هوايتي الا وهي اثارةالجدل ... وسماع ارائكم المميزة اكيد ..

راح اطرح عليكم قضية طرحها أفلاطون على ايامووو ....

هي كالتالي :

2 جيران واحد استعار سلاح عند التاني ... على وعد منو انو يرجعلو السلاح وقت ما بطلبو منو مباشرة..

في يوم من الايام اجا الجار وطلب السلاح عشان يقتل فيه واحد عصبو ...

سؤال افلاطون بحكي ... لو انت مكان الجار شو بتعمل ؟؟؟

بتعطيه السلاح ... بتوفي بوعدكــ ... لكن بتتسبب بموت انسان ؟؟؟

ما بتعطي السلاح .... بتنقذ انسان ... لكن بتخلف بوعدكــ ؟؟؟

اعتقد انو مو صعبة ... الاغلب راح يحكي ... ( ما بعطيه السلاح ) .. وراح بيبرر انو بينقذ حياة انسان ... وعادي لو اخلف بوعدو ...

******

طيب لو صعبنا المشكلة ..

واخدناكم لتتخيلو معنا :

تخيل حالك انت وصديقكــ ... كنت تتسلقو بجبل ... والتنين مربوطين بحبل واحد ... وصديقكــ وقع عن الجبل ..

وبقى معلق فيكــ ...

وما قدر يخلص حالو ..

وانت ما قدرت تسحبو ...

ولو استمر الوضع هيكــ التنين راح تسقطو ...

وهو طلب منكـ انك تقطع الحبل .. لانو لو انت قطعت الحبل راح تنجو اكيد .... ولو ما قطعتو راح تسقطو انتو التنين ...

سؤالي :

لو انت اللي بالموقف ... ( بعيد الشــر ) ..

شو راح تعمل ؟؟؟

- بتقطع الحبل وبتنجو ... لكن بدون صديقكــ ؟؟
- ما بتقطع الحبل .. وبتسقط انت وصديقكـــ ؟؟؟
مع العلم انو ما في حل تالت ....

مسأله الصراحة بدها تفكير ...

حاول تتخيل الموقف ... وتعيشو واقع ... واحكيلنا جوابكـــ .....

دمتم بحفظ الرحمـــــ'ــــــــن .....

هلأ سؤالك الاول بالنسبة للسلاح راح اعطيه لصاحبه لانه حقه وامانه عندي وراح اوفي بوعدي وراح انصحه بالنسبة للشئ اللي بده يعمله لان كل شخص بملكـ قدرة بعقله تمنحه التفكير ...

اما السؤال التاني فاكييد ماراح انجو لوحدي لان الموقف راح يبقى بذاكرتي طول عمري لو نجيت وتسببت بوفاة صاحبتي فراح اختار انو اللي راح يصير على صاحبتي راح يصير عليا.

بتشكركـ المسافر على السؤال الافلاطوني بس كل انسان عنده قدرة للتفكير واختيار الراي المناسب بنظره..
دمت بكل ود

ما بعرف صراحة بس اتوقع هالشيء بكون حسب الموقف اللي أنا فيه يعني من السهل إنك تحكي ما رح اقطع الحبل ونموت سوا هلأ لكن وقت الجد الله أعلم

تحياتي مسافر

فعلا وقت الجد الله اعلم
بس لو قطعت الحبل ونجيت وعشت بدون صديقي
رح اموت بعدها من الحزن وتأنيب الضمير
والله ما بعرف بس ازا رح اموت عالحالتين لا الموت مع صديقي احسن
ومتل ما بيقولو الموت مع الجماعة رحمة
مشكور مسافر
تقبل مروري

زائر

شكرا لآرائكم ...

لكن ...

فاتنة هلأ انت عندك اهم انو توفي بوعد عادي مو كبير ... مقابل حياة بني ادم ؟؟؟

يعني انت لو كنت مقتنعة انو الشخص اللي بطلب السلاح اكيد راح يعمل جريمة .. فكرك انو محاولة اقناعو ممكن تجيب نتيجة ... ؟؟؟

كل الشكر مرة اخرى ..

دمتم بود

بالنسبة لقضية السلاح ما رح اقبل اخبي سلاح
من اصلو ببيتي لاني رح فكر باني رح اكسب سيئاتو في حال تصرف غلط للسلاح وبكون
ساعدتو فيها وكيف بدي اعرف ازا تصرفو ب خير او لا

اما
بالنسبة للقضية التانية فمستحيل اقطع الحبل والله ما بنسى حدا وبقوة ربنا رح ساعدو
وننجو الاتنين تفائلو بالخير تجدوه وازا صار ما صار بنوقع الاتنين لاني ما ظني
اقدر اتحمل ذنب قطع الحبل طول ما انا عايشة

:lol!:

زائر

كل الشكر ميرنا ....

انت انسانة مؤمنة صحيح وعجبني رأيك الصراحة

دمتي ...