ليـــــــــــلة كل عاشق

ليـــــــــــلة كل عاشق

الله مــن ليــل قضـيته علـى كــوع
مااجـاز نومـي والخـــلايق هجوعـي
ليــل قضـيته بــس ونـات ودمــوع
والحــر من ضــيم الليـالي جزوعـي
يقطعك ياحـظ على الشـين مطبـوع
ولاأنته مـوردني طريـق السـنوعــي
مشيتنـي في درب تـالـيه مقـــطوع
وصعب على عقب المسـافه رجوعي
أصبحت بـه تـابع ولانـي بمتبـوع
وضيعت من طــول المسافه رجوعي
حصلت به من النسانيس ذعــذوع
بارد هواء يطفـي لهيب الضلــوعي
وتغيرت صــوت النسانيس بطلـوع
مع صوت عاصوف سمومه تروعـي
وضيعت صوت كان بالدرب مسموع
صوت صـــداه مبين بالسمـــــوعي
وعقب أنقطاع الصوت عودت مقطوع
وزاد العطش والخوف وزاداد جوعي
ولديت يم القـــاع لي فيه مـــشروع
أبغى على الجــره يصير الرجوعــي
لكن عاصوف الهــــوى هب بسروع
وأثر على الجره بســرع الرجوعـــي
وعودت لاني بجالس ولاني بمرفوع
ولاعاد أمــيز بين رجــلي وكوعــي
تمثال من صــنع الغرابيل مـــصنوع
هــم وهــم ومســــيل للـــدموعــي
أنا انسان معه احساس ماهو مصنوع
كافح وعــيا يلـــتجي للــخضوعــي
باسباب صادق نيته صــار مخــدوع
وأصبح ضحية وقت طبعه خدوعــي
مشاه في درب ملفــــات وفــــــروع
وكــبه بنقطه فارقات الــــفروعي
أظلم علي الـليل تايه ومقــــــطوع
مدري نهار الســبت ولا ربوعـــي